Malta se tkun qed tassisti fiz-zoni li kmieni dalgħodu ġew milquta mit-terremot. Dan permezz ta’ għajnuna li se joffri d-d-Dipartiment tal-Protezzjoni Ċivili.
Net News jista’ jikkonferma li l-membri tas-CPD se jħallu pajjiżna fis-sigħat li ġejjin.
It-terremot li laqat kemm it-Turkija u anke s-Sirja ħalla mas-600 vittma. Għalkemm in-numru jaf jiżdied fis-sigħat li ġejjin.
Fil-passat, il-Maltin dejjem kienu minn tal-ewwel li offrew għajnuna diretta kull meta jkun hemm każi ta’ diżastri naturali. Dan ġara fost l-oħrajn fl-Italja, meta terremot qawwi laqat Amatrice.
