Jeremie Camilleri ta’ 33 sena, residenti Ħal Lija li qed jiffaċċja akkużi tal-qtil taċ-ċittadina Torka Pelin Kaya kompliet quddiem il-Maġistrat Rachel Montebello li ddikjarat li hemm biżżejjed provi biex huwa jitqiegħed taħt att ta’ akkuża. Hu qed jiġi mixli bl-inċident orribbli tagħha tal-mara wara li saq il-karozza BMW tiegħu għal ġo fiha, bil-vettura tispiċċa spiċċat biex taħbat f’ristorant tal-fast food fil-Gżira x-xahar li għadda.
Surġent tal-Pulizija nvolut fil-każ qal li Camilleri kien jgħix f’dar tal-biża’ tant li meta mar fuq il-post minbarra l-ħmieġ li kien fiha u agħar esperjenza ġrieden għaddejjin minn ma saqajh, tiolet ifur u telqa’ liema bħala. Mistoqsi mid-difiża x-xhud qal li żgur li hu ma jirnexxielux jgħix f’post bħal dan.
Fl-awla għal darba oħra kienu preżenti omm il-vittma u membri tal-familja tagħha li waslu mit-Turkija nhar l-Erbgħa. L-ewwel xhud kien l-Ispettur Shamus Woods mill-għassa ta’ Tas-Sliema. Hu qal li fit-18 ta’ Jannar 2022 daħlet telefonata dwar inċident tat-traffiku fi Triq l-Imsida fil-Gżira u li x’aktarx kien hemm persuna mejta. Il-Pulizija marru fuq il-post u sabu karozza li ħabtet ma’ pompa tal-petrol u baqgħet dieħla fil-KFC tal-Gżira.
Fuq il-post diġà kienu waslu numru ta’ ħaddiema tal-ambulanza li kienu qed jagħtu l-kura lill-vittma li kellha ħafna demm ma’ rasha. Hi ttieħdet l-Isptar Mater Dei fejn ġiet iċċertifikata mejta. Woods qal li huwa mill-ewwel kien talab biex iż-żona tiġi magħluqa biex ma jidħlux persuni. Hu seta’ jinnota ħafna ġebel mal-art u li l-karozza kellha l-‘hazard lights’ mixgħewlin. Hemm ix-xhud qal li ra żarbuna bajda li wara ġiet identifikata li kienet tal-vittma.
Ix-xhud qal li kien kellmu wieħed mix-xhieda li qallu li kien ra lil Jeremie Camilleri iwaddab il-ġebel lejn Pelin Kaya. Persuna ieħor kien qal lill-Pulizija li kien attakkat u aggredit mill-akkużat, u sofra ġrieħi. L-akkużat kien ukoll ittieħed l-Isptar Mater Dei wkoll peress li kien ġarrab xi feriti. Tenna li hu kien sema’ mowbajl iċempel li ġie identifikat li kien tal-vittma. Waqt ix-xhieda tiegħu ppreżenta ċ-ċertifikat tal-mewt tal-vittma u r-rapport tal-inċident tal-Pulizija.
Woods temm ix-xhieda tiegħu billi qal li kien qed jagħraf lill-akkużat mill-filmati tal-cameras tas-sigurtà u li meta wasal fuq il-post tar-reat, l-akkużat kien diġà ttieħed minn fuq il-post. Wara xehed is-Surġent Christian Xuereb, stazzjonat fit-Taqsima tal-Omiċidji.
Qal li ġie mitlub imur fuq il-post tar-reat meta seħħ l-inċident u jgħid li ż-żona ġiet preservata tajjeb. Hu seta’ jinnota l-vettura tal-akkużat li kien ġie arrestat ftit qabel ma wasal fuq il-post. Tenna li kellem il-ħaddiem tal-istabbiliment Sphinx li kien qrib il-pompa tal-petrol u staqsieh x’ra.
Ħaddiem ta’ pastizzerija jiġi aggredit mill-akkużat
Il-ħaddiem qallu li kien barra l-ħanut u ra vettura dieħla fil-faċċata tal-KFC u li ma kienx induna li ttajret persuna. Iżda wara l-ħabta, ix-xufier ħareġ u tah daqqa f’għonqu b’tant forza li spiċċa biex waqa’ mal-art. Is-sewwieq imbagħad ta daqqa ta’ sieq lix-xhud waqt li kien fl-art.
Wara li ġara dan kollu dan kien daħal fil-ħanut tiegħu u għalaq ix-shutter sakemm waslu l-Pulizija. Persuna oħra li tkellem mal-pulizija qalet li kien għadu kif wasal u ra lill-impjegat tal-ħanut tal-pastizzi mal-art u għenu jqum fuq saqajh.
Persuna oħra li tkellmet fuq il-post, qalet lis-surġent li kien qed isuq il-karozza tiegħu stess mid-direzzjoni tal-Imsida u sema’ brejk qawwi. Is-sewwieq tal-vettura l-oħra, ħareġ mill-karozza u pprova jagħtih daqqa ta’ ponn iżda rnexxielux. Imbagħad l-aggressur kien ipprova joħroġ mill-karozza. Din il-persuna li kienet fuq il-pst saqet ‘il bogħod b’veloċità qawwija, u qaċċat il-mera tal-BMW. Dan qal lix-xhud li kien waqaf ftit ‘il bogħod, u ra lir-raġel jitfa’ l-ġebel u jgħajjat ”alażobbi alażobbi.”
Is-Surġent tkellem ma’ persuna oħra fil-qrib li kienet fuq il-post, li qallu li kien ipprova jassisti lill-vittma, iżda s-sewwieq tal-BMW X6 kien żammu milli jersaq lejha. Huwa ra lis-sewwieq jitfa’ l-ġebel lejn il-vittma. Wieħed minn dawk li kienu fil-qrib kien iċċekkja l-polz ta’ Pelin, iżda meta waslu l-pulizija l-folla ta’ nies fil-qrib telqet u ħallewh waħdu.
L-aħħar persuna li tkellem max-xhud minħabba li wara li telaq mill-isptar qallu li l-akkużat kien attakka sewwieq ta’ Peugeot 208 u mbagħad ipprova jattakkah, qal lill-Pulizija. L-aggressur kien kompla jitfa’ ġebel fid-daħla tal-KFC u ta’ persuni fil-qrib.
Dan qallu wkoll li ma kienx qrib biżżejjed biex jara lill-vittma iżda qal li sema’ lill-akkużat jgħajjat “1 2 3, viva l Algerie”. Meta waslet il-Pulizija, dan ix-xhud fuq il-post kien resaq eqreb u ra lil Pelin tingħata CPR mill-paramediċi, huwa qal lill-uffiċjal.
Is-surġent u kollega kienu identifikaw is-CCTV cameras kollha li jistgħu jkunu ta’ għajnuna. Dakinhar stess kien preżenti għal tfittxija fir-residenza ta’ Camilleri f’Ħal Lija. Omm l-akkużat kienet tat iċ-ċavetta lill-Pulizija, iżda ma setgħux jiftħu l-bieb peress li kellu ċavetta fin-naħa l-oħra.
Omm l-akkużat daħlet mill-propjeta’ maġenbha u fetħet il-bieb għall-Pulizija. L-art tal-appartament kienet miksija bl-ilma. Il-mowbajl ta’ Camilleri inqabad mill-pulizija u ttieħed bħala xhieda. Ġewwa d-dar ma nstab xejn aktar ta’ rilevanza.
Il-BMW X6 użata mill-akkużat saret tfittxija l-għada f’Ta’ Kandja, fejn kienet ġiet irmunkata. L-akkużat kien preżenti għaż-żewġ tfittxijiet. Ġewwa l-karozza ma nstab xejn ta’ rilevanza. Imbagħad Camilleri ġie skortat lejn il-lockup tal-Furjana. Ix-xhud qal ukoll li kien irkupra filmati CCTV minn djar ġirien id-dar ta’ Ħal Lija tal-akkużat.
Camilleri wara tressaq il-Qorti u miċħud il-ħelsien mill-arrest. Is-Surġent kien preżenti flimkien mal-espert tal-inkjesta għall-estrazzjoni ta’ data mis-CCTV cameras fil-lokalitajiet imsemmija. L-iqsar triq possibbli biex Camilleri jasal fuq il-post tad-delitt ġie stabbilit bħala l-bypass ta’ Birkirkara.
Għalhekk, l-investigaturi staqsew lill-LESA jekk inħarġux xi multi ta’ veloċità fuq il-vettura użata mill-akkużat bil-lejl. Kien hemm il-BMW misjuqa minn Camilleri kienet qed tinstaq b’75.8km fis-siegħa fuq il-bypass. Is-Surġent ġabar skeda tal-ħin tal-movimenti tal-akkużat, li tikkonsisti f’aktar minn 170 ritratt, li esebixxa fil-Qorti.
Camilleri ħa seba’ minuti biex wasal minn Ħal-Lija sal Gżira
L-akkużat Camilleri dam biss seba’ minuti biex saq mir-residenza tiegħu ta’ Ħal Lija sal-post fejn seħħ l-inċident fatali. Wieħed mir-ritratti qabad lill-vittma ttir fl-arja, huwa qal. Camera oħra turi ġisimha jinstabat ma’ l-art. Ritratti oħra juru lil Camilleri jattakka lil dawk li kienu fil-qrib u uħud mill-persuni fil-qrib jiġġieldulu lura.
Ix-xhud qal li sensiela ta’ ritratti juru lill-akkużat jitbaxxa ħames darbiet biex jiġbor il-ġebel mill-art. L-aħħar darba qabad tnejn. Persuna li kienet fil-post ipprova jitfa’ ġebla lejn Camilleri, li qabadha milll-arja u tefagħha lejn Pelin. Ritratt ieħor juri lil Camilleri jiġbor ġebla oħra, jitfagħha lejn min ikun hemm.
Karozza pparkjata fil-qrib hija wkoll fil-mira ta’ Camilleri, qal ix-xhud. Kull inċident li nqabad fuq filmat ngħata numru. L-Avukat Alfred Abela għamel kontro-eżami lis-Surġent. L-avukat issuġġerixxa li r-residenza tal-akkużat kienet konnettjata ma’ dik ta’ ommu, permezz tal-ġnien minn wara. Is-Surġent ikkonferma dan, iżda qal li d-daħla kienet imblukkata.
Id-dar ta’ Camilleri kienet fi stat ta’ telqa kbira, qal ix-xhud li ddeskrivieha bħala “tal-biża’”. Ġrieden, ħmieġ fuq l-art, it-toilet ifur. “Ma nixtieqx ngħix hemm.” L-Avukat Abela ssuġġerixxa li Camilleri kien ittieħed biex jiġbor il-mediċinali minn spiżerija fil-qrib.
Ix-xhud jikkonferma dan u li l-pulizija ġiet infurmata li l-ispiżjar kien tkellem mill-psikjatra, li kien taha struzzjonijiet biex Camilleri jingħata l-medikazzjoni tiegħu kull ġimgħa. L-ispiżjar qalet lill-Pulizija li kienet se tagħtiha lill-akkużat kuljum biex jitnaqqas ir-riskju ta’ konfużjoni. Id-difiża talbet lill-Qorti biex taħtar lil xi ħadd biex iniżżel u jesebixxi l-filmati tal-body cam.
Hawn intervjena l-Ispettur Kurt Zahra li għarraf lill-Qorti li l-filmati kienu nġabru waqt l-inkjesta u ġew mgħoddija lil espert tal-Qorti li kien se jixhed aktar tard. L-Avukat Abela talab li jitħalla jara l-filmati. Il-Qorti minn naħa tagħha titlob lill-Prosekuzzjoni biex tressaq lill-espert tal-IT biex jixhed mingħajr dewmien.
Id-difiża talbet ukoll li jinħatar Psikjatra biex jeżamina lill-akkużat. Il-Prosekuzzjoni u l-parte civile oġġezzjonaw, u qalet li l-akkużat qed jinżamm il-Ħabs. L-Avukat Shazoo Ghaznavi għall-familjari tal-vittma qal li minn dak li ħareġ s’issa, l-akkużat ġie eżaminat l-isptar qabel ma tressaq il-Qorti.
Kien hemm ukoll talba tad-difiża waqt it-tressiq tiegħu biex jiġi eżaminat bil-ħsieb li jinżamm fl-Isptar Monte Carmeli. It-talba ma kinitx ġiet innotata mill-Maġistrat li quddiemu tressaq l-akku’żat, qalet il-Maġistrat. Ghaznavi staqsa x’inhu l-ghan ta’ dan l-eżami.
L-Avukat Abela qal li kien qed jagħmel talba sempliċi. Li l-qorti taħtar psikjatra biex jeżamina lill-akkużat, jara l-fajl mediku tiegħu. Il-Prosekuzzjoni kompliet toġġezzjona għal dan, u bdiet tistaqsi x’inhu l-punt. L-Avukat Abela spjega li mix-xhieda tal-Ħamis kien ħareġ li l-akkużat kien fuq medikazzjoni.
L-Avukat Ghaznavi qal li mhux ċar jekk il-kwistjoni ġietx ittrattata ll-Ħamis jew qabel l-inċident. il-problemi psikjatriċi tal-akkużat kienu diġà ħarġu fil-Qorti, qal l-avukat parte civile. L-Ispettur Zahra ġibed l-attenzjoni tal-Qorti għall-fatt li l-imputat kien diġà kien taħt il-kura ta’ psikjatra, u ssuġġerixxa li l-psikjatra tiegħu jiġi mħarrek biex jixhed.
Iżda l-Avukat Abela rrimarka li dan jagħmel lill-psikjatra xhud ex-parte, u jnaqqas il-valur tax-xhieda tiegħu. Il-Qorti laqgħet it-talba u ħatret psikjatra ieħor biex jeżamina lill-akkużat u jirrapporta dwar l-istat mentali tiegħu. L-espert se jingħata wkoll aċċess għall-fajl mediku tal-akkużat. Fi tmiem is-seduta omm Pelin kienet bilqiegħda fuq bank, tibki lil bintha.
Camilleri, imwieled Toulouse minn missier Malti-Alġerin u omm Franċiża, huwa tifel waħdieni, li kien jgħix ma’ ommu f’dar f’Ħal Ħal Lija u li aktar tard mar joqgħod fl-istess lokalità f’residenza għalih, qabel ma spiċċa l-ħabs b’rabta ma’ dan il-każ.
Camilleri qed jiġi akkużat ukoll li kkaġuna feriti gravi fil-konfront tal-vittma, li kkaġuna ħsara fil-ġisem tagħha, kkaġuna ferita ħafifa fuq ċertu John Muscat u persuni oħra, għamel ħsara f’pompa tal-petrol, saq karozza b’mod perikoluż f’post pubbliku meta kien taħt l-effett tad-droga u xorb alkoħoliku.
Huwa ġie mixli wkoll li attakka uffiċjali pubbliċi bi vjolenza,ma obdiex l-ordnijiet leġittimi tal-Pulizija, kellu fil-pusses tiegħun d-droga kokaina u s-sustanza Diazepam u li kiser ordni ta’ probation. Ħareġ li Camilleri kien qed isuq karozza tal-għamla BMW u tajjar lil Pelin Kaya, meta kienet miexja ħdejn il-pompa tal-petrol Paul & Rocco fi Triq Testeferrata għall-ħabta tas-siegħa ta’ nhar l-Erbgħa, 18 ta’ Jannar.
Is-sewwieq irriżulta pożittiv b’livelli għoljin għall-kokaina u l-alkoħol waqt testijiet li saru fl-Isptar Mater Dei wara l-inċident. Il-filmati miksuba waqt l-investigazzjonijiet urew kif is-sewwieq saq dritt għal ġo Keya u li hu ma kienx tilef il-kontroll tal-karozza tiegħu. Skont il-Pulizija u l-filmati Camilleri ħareġ mill-karozza u tefa’ l-ġebel lejn il-vittma hekk kif kienet mimduda fl-art.
Camilleri diġa kien diġa tressaq il-Qorti u kiser il-liġi fl-età ta’ 23 sena, meta fl-2012 wieġeb ħati li kkometta €900 f’danni fuq proprjetà ta’ mara u ngħata sentenza sospiża ta’ sena. Camilleri kien involut ukoll f’inċident ieħor f’Novembru li għadda, meta xi ħadd tefa’ apparat splussiv żgħir f’daru minn tieqa u mbagħad ħarab.
Fl-4 ta’ Jannar li għadda huwa ammetta reat ta’ serq f’ammont żgħir minn ħwienet tal-ikel f’Tas-Sliema u Ħ’Attard u li kiser ordni ta’ probation wara li nstab ħati għal reat ieħor minn Qorti f’Għawdex fi Frar tal-2021.
L-Ispettur Kurt Zahra qed imexxi l-Prosekuzzjoni bl-għajnuna tal-avukati tal-AĠ Kaylie Bonnett u Nathaniel Falzon.L-avukat Shazoo Ghaznavi qed jirrappreżenta l-familja tal-vittma. Fl-awla, li hija ċkejkna, hemm numru sostanzjali ta’ nies mill-komunità Torka. Gġall-akkużat qed jidhru l-Avukati Alfred Abela u Renè Darmanin. Il-kawża ġiet differita għal nhar il-Ħamis,16 ta’ Marzu fil-11:00am.
