Il-Ħamis filgħaxija tħabbru s-16 -il kanzunetta li għaddew għall-finali tal-Malta Eurovision Song Contest li ser isir is-Sibt 11 ta’ Frar. Ir-riżultat inkiseb permeżż ta’ 50% voti tal-ġurija u 50% voti tal-pubbliku.
Il-kanzunetti li għaddew għall-fażi li jmiss huma dawn:
- In The Silence – Ryan Hili
- Eku Ċar – Christian Arding
- It’ll Be OK – Dan
- Indescribable – Chris Grech
- La La Land – Cheryl Balzan
- Creeping Walls – Nathan Psaila
- Try To Be Better – Fabrizio Faniello
- Up – Matt Blxck
- On My Own – Ian
- Dance (Our Own Party) – The Buskers
- Guess What – Eliana Gomez Blanco
- I Depend On You – Giada
- Checkmate – Brooke Borg
- The Mirror – Geo Debono
- Alone – Maxine Pace
- Heartbreaker – Stefan Galea
Ir-rebbieħ tal-MESC li ser jitħabbar nhar is-Sibt li ġej, se jkun qed jipparteċipa fl-ewwel semi finali tal-Eurovision Song Contest, li din is-sena se jsir fil-belt ta’ Liverpool.
Malta telgħet sabiex tkanta fl-ewwel nofs tal-ewwel semi finali, li ser isir it-Tlieta, 9 ta’ Mejju. Fost il-pajjiżi li Malta ser tkun qed tikkompeti magħhom hemm in-Norveġja, l-Iżveżja, Iżrael u l-Olanda.
Dan filwaqt li t-tieni semi finali se tiġi organizzata l-Ħamis, 11 ta’ Mejju … bil-finali ssir s-Sibt, 13 ta’ Mejju.
Fost is-semi finalisti li se jieħdu sehem fit-tieni serata hemm Ċipru, l-Iżlanda, il-Greċja u l-Polonja.
Matul is-serata finali, il-ħames pajjiżi l-kbar li huma l-Italja, Franza, Germanja, Spanja u Renju Unit, flimkien mal-Ukrajna … il-pajjiż li rebaħ l-edizzjoni li għaddiet, se jkunu qed jikkompetu mal-20 finalista li jgħaddu wara li jikkompetu fl-ewwel u fit-tieni Semi-finali.
