Waqt l-operazzjoni ta’ tiftix u salvataġġ ġiet salvata tarbija ta’ 10 ijiem wara li l-omm u t-tarbija qattgħu xejn inqas minn 90 siegħa taħt it-tifrik.
Qed jitqies bħala miraklu li ġew salvati wara kważi ħamest ijiem taħt it-tifrik. Dawn ġew salvati fil-belt ta’ Hatay madwar 161km ‘il bogħod mill-epiċentru tat-terremot.
It-terrmot laqat it-Turkija u s-Sirja t-Tnejn li għadda u kellu saħħa ta’ 7.8 fuq l-iskala Richter.
Dan it-terremot ħalla ‘il fuq minn 22,000 vittma filwaqt li ‘il fuq minn 75,000 persuna ġarrbu l-ġrieħi.
