Ċiklist qiegħed isofri feriti gravi wara inċident ma’ karozza fl-Imġarr. L-inċident seħħ għall-ħabta tal-12pm fi Triq Sir Temi Zammit.
L-inċident seħħ bejn ir-rota misjuqa minn raġel ta’ 34 sena residenti Ħaż-Żebbuġ u karozza misjuqa minn raġel ta’ 37 sena residenti Tas-Sliema.
Iċ-ċiklist ingħata l-assistenza minn tim mediku, ittieħed l-Isptar Mater Dei b’ambulanza u ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
