‘Rebħa kontra Valletta dejjem hija rebħa tajba’ – Branko Nisevic (Ħamrun Spartans)

‘Diffiċli biex nippenetraw difiża organizzata’

• Thane Micallef, kowċ Valletta FC

‘Ma ħriġnix tajjeb għal din il-partita u dan kellu effett fuqna. Ovvjament meta tagħmel dan kontra tim b’saħħtu bħalma huwa Ħamrun ħa tikkomplika l-logħba.’ Dawn kienu l-ewwel kummenti tal-kowċ ta’ Valletta Thane Micallef wara t-telfa kontra Ħamrun Spartans bl-iskor ta’ 1-0. Micallef kompla hekk. ‘Kienet diffiċli biex nippenetraw difiża organizzata bil-vantaġġ miksub. Fit-tieni taqsima mbagħad minkejja li tjibna ħafna imma ma’ ħloqnix bizzejjed. Ridna li nibdew il-partita bħalma bdejna t-tieni ħamsa u erbgħin minuta. U rridu wkoll nieqfu milli nagħtu r-rigali, aktar u aktar meta tkun qed tilgħab kontra tim bħalma huwa Ħamrun. Issa rridu nħarsu lejn il-logħba ta’ nhar il-Erbgħa mit-Trophy, nanalizzaw sew, naraw u nippruvaw nirranġaw l-iżbalji biex nagħtu l-aqwa logħba possibbli.’

‘Importanti li nibqgħu ffukati’

• Branco Nisevic, kowċ Ħamrun Spartans FC

‘Li tirbaħ kontra Valletta dejjem hija rebħa tajba. Kienet logħba li rriżultat waħda diffiċli bħalma ħsibna.’ Hekk ikkummenta l-kowċ ta’ Ħamrun Spartans Branco Nisevic wara l-partita kontra r-rivali Valletta. Nisevic, li t-tim tiegħu kompla jersaq aktar lejn ir-rebħ tad-disa’ kampjonat kompla hekk. ‘Irridu nibqħu ffukati logħba logħba. Kontra Valletta konna tajjeb fl-ewwel taqsima iżda t-tieni perjodu sofrejna l-pressjoni. Issa jmiss il-logħba kontra l-istess tim mill-Izibet FA Trophy. Bejn wieħed u ieħor ser tkun l-istess iżda d-differenza li ma’ tistgħax tiżbalja għax partita knock out.  Nisperaw li nirkupraw tajjeb biex inkunu fl-aħjar kundizzjoni għal din il-partita. Dan ix-xahar għandna logħbiet importanti kontra avversarji diretti u rridu nimxu tarġa tarġa biex naslu għal dak li ilna naħdmu għalih.’

LOGĦOB LI JMISS

Is-Sibt 18 ta’ Frar, 2023

Stadium Nazzjonali

2.00pm            Floriana – Gżira Utd.

4.15pm            Pieta H. – Żebbuġ R.

Centenary Stadium

2.00pm            Marsaxlokk – Gudja Utd.  

Il-Ħadd 19 ta’ Frar, 2023

Centenary Stadium

11.30am          Hibernians – Sta Lucia 

Tony Bezzina Stadium

2.00pm            Valletta – Mosta

4.15pm            Sirens -Balzan

Stadium Nazzjonali

3.00pm            Ħamrun S. – B’Kara