Caffè Moak Luxol 66
ARMS Depiro 60
(15-16)(12-13)(19-15)(20-16)
Caffè Moak Luxol kellhom jitħabtu biex għelbu l-isfida ta’ ARMS Depiro u kisbu d-disa’ rebħa fil-kampjonat biex komplew jikkonfermw l-ewwel post tal-klassifika li jfisser post awtomatiku fil-finali tal-kampjonat. Depiro baqgħu viċin sal-aħħar minuta tal-partita fejn ir-riżultat seta’ mar kull naħa. It-team imexxi minn Fatih Dedelioglu ħadu l-ewwel vantaġġ b’ħames punti ta’ Casey Samuels bi trippla. Ir-risposta ta’ Luxol ġiet minn Gladiana Avila li però fl-ewwel taqsima kienet limitata għal 8 free-throws mingħajr l-ebda basket. Fil-fatt hi spiċċat b’persentaġġ ta’ 100% mill-freethrow line bi 16 minn 15. Intant it-taqsima komplet bi trippla fuq kull naħa minn Mandi Mercieca u Leanne Duncan biż-żewġ timijiet ikomplu jwieġbu lil xulxin għal skor ta’ 16-15. Fit-tieni perjodu, Luxol fetħu bil-baskets ta’ Anna Fenech Pace u Avila u żewġ baskets ta’ Josephine Diaby. Għal Depiro kien hemm aktar punti minn Samuels flimkien ma’ Claire Ciantar Lejn tmiem it-taqsima, basket minn Fenech Pace ippareġja l-iskor iżda Samuels fl-aħħar sekondi poġġiet lil Depiro fuq quddiem 29-27.
Wara l-intervall, Depiro bdew bil-punti ta’ Nicole Agius u Ciantar qabel ma reġgħu waslu sensiela ta’ free-throws minn Avila. Baskets minn Cristina Sollami u Lisa Fenech Pace għamlu l-iskor indaqs fir-raba’ minuta 37-37 qabel ma Agius u Julia Borg reġgħu poġġew lil Depiro minn fuq. Iż-żewġ timijiet komplew iwieġbu lil xulxin fejn Depiro kellhom ukoll trippla minn Agius iżda foul ta’ Julia Xerri fuq Avila fl-aħħar sekonda ssarraf fi tlett punti mill-Messikana biex Luxol temmew is-sessjoni fuq quddiem 46-44. L-andament tal-partita baqa’ l-istess fl-aħħar taqsima wkoll għalkemm fis-sitt minuta Luxol fetħu vantaġġ ta’ sitt punti 57-51. Depiro ma ċedewx u ġew lura bil-punti ta’ Borg u Samuels u mill-ġdid waslu sa’ basket ‘l bogħod. Fl-aħħar minuta però, Luxol għamlu 5 punti mingħajr risposta li kienu deċisivi għar-rebħa finali fuq skor ta’ 66-60.
Caffè Moak Luxol: C. Sollami 2, V. Selvaggi, M. Mercieca 10, L. Fenech Pace 9, H. Galea, G. Avila 25, K. Portelli, M. Camilleri, S. Fenech Pace, J. Diaby 12, M. Marmara, A. Fenech Pace 8.
ARMS Depiro: Ni. Agius 9, J. Xerri, J. Mallia, L. Duncan 5, C. Ciantar 8, C. Samuels 22, J. Borg 4, M. Micallef, N. Borg 2, J. Magri, L. Camilleri, E. Cassar.
Referees: Gordon Barbara, Nicky Azzopardi
Hibernians 69
Starlites FIJO 66
(11-21)(17-13)(17-9)(24-18)
Hibs għelbu lil Starlites FIJO biex kisbu riżultat li jogħllilhom il-moral qabel partiti importanti li fadlilhom fosthom il-finali tan-Knock-out u s-semifinali tat-tazza Louis Borg. Starlites, li kienu mingħajr Maria Bonett, kienu viċin li jisfurzaw il-ħin barrani però l-aħħar tentattivi tagħhom ma daħlux biex b’hekk sofrew it-tielet telfa tal-kampjonat. Madankollhu, kienu huma li kellhom l-aħjar bidu tal-partita fejn bdew b’run qawwija ta’ 13-2 fejn kellhom trippla minn Mikela Riolo flimkien mal-punti ta’ Steffi De Martino u Amelia Simmons. Hibs wieġbu bi tlett baskets qabel ma Starlites għamlu 8 punti oħra u temmew l-ewwel sessjoni 21-11 minn fuq.It-tieni taqsima, fetħet bi trippla ta’ De Martino għal Starlites però mal-ħin Hibs bdew inaqqsu d-distakk hekk kif kellhom it-trippli minn Sam Brincat u l-punti ta’ Kenyotta Jenkins u sal-intervall kien hemm sitt punti jifirdu liż-żewġ timijiet bi Starlites fuq quddiem 34-28.
Fit-tielet sessjoni, Hibs fetħu l-aħjar hekk kif għamlu 8 punti mingħajr risposta u marru fuq quddiem 36-34. Starlites waqqfuhom b’basket ta’ Simmons però Hibs komplew bit-three pointers minn Iona Agius u Brincat biex temmew il-perjodu basket minn fuq 38-36. Fil-ftuħ tar-raba’ taqsima, iż-żewġ timijiet bdew jirrispondu lil xulxin biex Hibs żammew vantaġġ ta’ punt 52-51. Għal Starlites il-punti waslu kważi kollha minn Simmons u saħansitra reġgħu marru sitta minn fuq 64-58. Hawn Hibs kellhom run deċisiva ta’ 11-2 fosthom il-ħames trippla ta’ Brincat u ħarġu rebbieħa 69-66.
Hibernians: I. Agius 14, A. Van Vliet 9, S. Brincat 17, B. Agius, J. Abela, K. Jenkins 17, K. Caruana 3, J. Gauchi, E. Cassar 6, J. Dabic 3, M. Mendez.
Starlites FIJO: M. Zammit Cordina, M. Riolo 11, A. Saliba 2, M. Sciberras, L. De Martino, S. De Martino 12, M. Fenech, A. Simmons 37, C. Cilia, S. Davies, C. Curmi 4.
Referees: Bernard Vassallo, Zvezdan Dobrosaviljevic
