Fiorentina prattikament aċċertaw mill-kwalifikazzjoni għal rawnd ieħor meta kisbu rebħa ta’ 4-0 fil-Portugall kontra Braga.
Jovic poġġa lil Fiorentina minn fuq fil-ħin miżjud tal-ewwel taqsima u fil-50 minuta daqqa ta’ ħarta għal Braga li kellhom lil Tormena mkeċċi. Bi plejer iktar Fiorentina iddominaw għal kollox u żiedu tliet gowls oħra minn Jovic li b’hekk skorja doppjetta u minn doppjetta oħra ta’ Cabral.
Lazio wkoll kisbu rebħa ferm importanti fl-Olimpico kontra Cluj u dan minkejja li lagħbu l-logħba kolla bi plejer inqas. Kien biss wara kwarta logħob li Lazio kellhom lil Patric imkeċċi, iżda fir-raba’ minuta ta’ ħin miżjud tal-ewwel taqsima Ciro Immobile skorja gowl mill-isbaħ wara freekick mogħti minn Felip Anderson.
Riżultati
Bodo/Glimt v Poznan 0-0
Braga v Fiorentina 0-4
Qarabag v Gent 1-0
Trabzonspor v Basel 1-0
AEK Larnaca v Dnipro 1-0
Lazjo v CFR Cluj 1-0
Ludogorets v Anderlecht 1-0
Sheriff v Partizan 0-1
