Il-Karnival spontanju tan-Nadur beda lbieraħ filgħaxija fil-pjazza ewlenija u t-toroq prinċipali tan-Nadur. Filwaqt li kellna temp mill-aqwa, in-nies ma qagħdux lura milli jipparteċipaw bi ħġarhom u bil-karatteristiċi uniċi kollha li jġib miegħu dan il-Karnival spontanju.
Dan kollu jawgura tajjeb ħafna għall-erbat ijiem li fadal tal-Karnival fejn kull filgħaxija sa nhar it-Tlieta f’nofsillejl, in-Nadur ikun jixgħel bl-ilwien, briju, u spontanjetà li joffri biss il-Karnival spontanju tan-Nadur.
