Raġel ta’ 31 sena residenti l-Għargħur, kellu jittieħed l-Isptar Mater Dei b’urġenża wara li ġarrab xi grieħi f’inċident tat-traffiku f’Ħal Lija.
Dan il-każ seħħ għall-ħabta tas-1.30 ta’ waranofsinhar tat-Tlieta fi Triq Pantar, Ħal Lija.
Mill-ewwel stħarriġ irriżulta li kienet seħħet ħabta bejn Isuzu ELF, misjuq minn raġel ta’ 28 sena residenti l-Qrendi u mutur Honda NSC110 misjuq mill-vittma.
Ix-xufier tal-mutur ingħata l-għajnuna minn tim mediku, ittieħed l-isptar b’ambulanza u ġie ċċertifikat li sofra ġrieħi gravi.
L-investigazzjonijiet mill-Pulizija għadhom għaddejjin.
