Raġel ta’ 37 sena kien arrestat minn residenza fil-Ħamrun.
Investigazzjonijiet mill-Pulizija b’rabta ma’ 3 serqiet minn ħwienet differenti f’Birkirkara waslu sabiex kmieni l-Ħamis filgħodu ġie arrestat is-suspettat allegatament involut f’dawn ir-reati.
Wara analiżi li twettqet fuq filmati ta’ sigurtà huwa ġie identifikat u arrestat.
Ir-raġel preżentament qed jinżamm fil-Kwartieri Ġenerali tal-Pulizija fil-Furjana sabiex jassisti fl-investigazzjonijiet u mistenni jitressaq il-Qorti fil-jiem li ġejjin.
