Hekk sostna l-Ministru Silvio Schembri meta mistoqsi minn Net News dwar il-kliem tal-President Emeritu, Marie Louise Coleiro Preca.
Dan hekk kif stqarret li l-emenda li qed titressaq mill-Gvern immexxi minn Robert Abela , hi filfatt bieb miftuħ biex jinqatlu t-trabi innoċenti u jiddaħħal l-abort…li Partit Laburista fil-kampanja elettorali kien qal li mhux se jdaħħal.
Fl-aħħar jiem il-Life Network Foundation, ħarġet spjegat li l-Gvern ta’ Abela qed jibqa’ jinjora lill-Koalizzjoni “Int Tista’ Ssalvani” u l-grupp ta’ 80 Espert illi huma appoġġjati minn aktar minn 25,000 persuna li ffirmaw il-petizzjoni kontra l-abort.
Dan filwaqt li saħqu li hija ħasra li l-Ministru tas-Saħħa Chris Fearne għażel li jiddeskrivi t-tħassib ta’ ħafna Maltin bħala ‘hype’, għaliex dawn ma jaqblux miegħu.
Minkejja l-pariri ta’ diversi akkademiċi, esperti u l-President Emeritu, Marie Louise Coleiro Preca, l-Ministru Schembri u Membru fil-Kabinett ta’ Abela baqa’ jinjora l-appelli u jisħaq li ma jaqbilx ma kif qed tiġi interpretata l-liġi minn dawn l-individwi sinifikanti fis-soċjetà Maltija.
Il-Gvern ta’ Robert Abela qed jiġi mħeġġeġ biex jikkonsulta mal-Esperti, filwaqt li jżomm mal-wegħda tiegħu li ma jintroduċix l-abort f’pajjiżna.
Iżda l-Gvern għadu qed ikaxkar saqajh, hekk kif dawn l-appelli s’issa qed jibqgħu jaqgħu fuq widnejn torox.
