B“Il-poplu Malti se jieħu lura dak li dejjem kien tiegħu”.
Dan hu kliem Martin Balzan, il-president tal-Assoċjazzjoni Medika Maltija, hekk kif spjega sa fl-ahhar tela z-zejt fwicc l-ilma.
Dan wara li l-Imħallef Francesco Depasquale sab li l-Qorti m’għandha l-ebda dubju li Vitals Global Healthcare, illum Steward Malta, ingħataw konċessjoni b’riżultat ta’ għaġir u gideb.
Balzan saħaq, kif it-trasferiment ta’ tlett sptarijiet Maltin, kienet ‘scam’, u li issa l-poplu Malti jista’ jikkonferma dak li dejjem kien jissusspetta – li il-poplu Malti ma qabillu xejn f’dan it-trasferiment.
Stqarr ukoll, li l-mijiet ta’ miljuni ta’ ewro minn but il-poplu Malti u Għawdxi, li ingħataw lill-Vitals Global Healthcare, setgħu intefqu f’affarijiet aħjar.
Il-president tal-MAM kompla jispjega, li l-Gvern għandu jieħu t-tlett sptarijiet li ttieħdu mill-poplu Malti f’idejh, immedjatament. Hu stqarr li dawn l-isptarijiet baqgħu jimxu bil-ħidma u d-dedikazzjoni tat-tobba u l-infermiera li jaħdmu fihom – b’hekk ġew evitati problemi akbar.
Martin Balzan saħaq li issa li ngħatat din is-sentenza, minkejja dan il-Gvern mhux il-Gvern li daħħal lill-pajjiżna f’din il-konċessjoni – xorta waħda messu ħa l-passi neċċessarji qabel. U li issa, għandu jrodd lura l-mijiet ta’ miljuni ta’ ewro li huma tal-poplu Malti.
