Libjan ta’ 38 sena, li m’għandux residenza fissa f’Malta, ammetta li fil-pussess tiegħu ear pods misruqa.
Noureddin Amer Elmohamadi, ammetta li dawn l-ear pods kienu fil-pussess tiegħu fit-23 ta’ Frar u fil-ġranet ta’ qabel. Fl-awla ħareġ li sid l-ear pods kellu diversi oġġetti misruqa minn ġol-karozza.
Permezz tas-sistema, ġie stabbilit li l-ear pods kienu għand l-akkużat. Elmohamadi, qal lill-Pulizija li huwa xtara l-ear pods għal €20 euro min raġel ieħor fil-Marsa.
Il-Prosekuzzjoni minn naħa tagħha qalet lill-Maġistrat Charmaine Galea li huwa kkopera magħhom u ssuġġerew piena fil-minimu.
Id-difiża qablet mal-prosekuzzjoni, li l-akkużat jingħata piena minima.
Il-Maġistrat Galea kkundannat lir-raġel 6 xhur ħabs sospiżi għal sena.
Il-Prosekuzzjoni tmexxiet mill-Ispetturi Clayton Camilleri u Andrew Agius Bonello, filwaqt li għall-akkużat deher l-avukat Brendan Muscat.
