Tork qed isofri minn ġrieħi gravi wara li ttajjar minn mutur fi Triq ix-Xatt, il-Gżira.
L-inċident seħħ it-Tlieta għall-ħabta tal-10:50 ta’ filgħodu.
Il-Pulizija marret minnufih fuq il-post u mill-ewwel investigazzjonijiet li saru rriżulta li r-raġel Tork ittajjar minn mutur misjuq minn raġel ta’ 41 sena residenti Raħal Ġdid.
Tim mediku mar fil-post sabiex jassisti filwaqt li ambulanza ħadet lit-Tork l-isptar Mater Dei għall-kura meħtieġa.
Aktar tard, huwa ġie ċċertifikat li weġġa’ gravi.
Parti mit-triq ingħalqet għat-traffiku għal xi ħin.
L-investigazzjonijiet tal-Pulizija għadhom għaddejjin.
