L-instructors tas-sewqan u diversi studenti li jkunu qed jistennew għat-test tal-karozza, ilhom snin jisħqu fuq in-nuqqas ta’ faċilitajiet sanitarji li hemm fiċ-ċentru tal-eżamijiet tal-liċenzji tal-karozzi – appelli li għadhom jaqgħu fuq widnejn torox.
Bħalissa, Transport Malta qed tħallas għal mobile toilets. Iżda dawn ma jiffunzjonawx, jew meta jiffunżjonaw jibqgħu ma jitnadfux.
L-instructors u l-istudenti, mhux jitħallew jidħlu fil-binja tat-Transport Malta biex jużaw il-faċilitajiet sanitarji, avolja l-uffiċjali fil-binja jafu bis-sitwazzjoni tal-faċilitajiet ta’ barra.
B’hekk, dawn l-individwi qed jappellaw sabiex jitranġaw dawn il-faċilitajiet, filwaqt li qed jistaqsu min hu responsabbli.
