Fl-Ukrajna, ir-Russi użaw għall-ewwel darba bomba ġdida u qawwija, li tiżen 1.5 tunnellati …u li twassal f’distanza sa 40 km.
Is-superbomba ntużat ftit tal-ġimgħat ilu fir-reġjun ta’ Chernihiv fit-Tramuntana tal-Ukrajna iżda mhux magħruf x’kienet il-mira tar-Russi.
Is-Sibt żewġ persuni ċivili mietu waqt l-attakki Russi fuq Bakhmut, fil-Lvant tal-Ukrajna filwaqt li seba’ residenti sfaw midruba. Dan apparti li persuna mietet u tlieta oħra ndarbu wara l-attakki mill-qawwiet Russi kontra Kherson.
Intant…..in-numru ta’ mwiet mill-attakk tal-missili Russi li beda fil-lejl ta’ bejn l-Erbgħa u l-Ħamis fuq il-belt ta’ Zaporizhzhia, li laqtet binja ta’ appartamenti ta’ ħames sulari, tela’ għal 13. Minn meta beda l-kunflitt f’Donetsk s’issa, inqatlu 1,398 persuna u 3,126 oħra kienu midruba.
