Max Verstappen ta’ RedBull se jkun qed jibda l-ewwel Grand Prix tal-istaġun mill-Pole Position b’sieħbu ta’ RedBull Sergio Perez se jibda mit-tieni post.
Il-koppja ta’ Ferrari Charles Leclerc u Carlos Sainz se jibdew mit-tielet u r-raba’ post rispettivament segwiti mill-veteran Fernando Alonso.
George Russell fuq Mercedes daħal 0.044 sekondi qabel sieħbu ta’ Mercedes Lewis Hamilton.
Illum jingħata bidu għal staġun ieħor tal-Formula 1 fost l-antiċipazzjoni tas-segwaċi ta’ dan l-isport popolari ferm madwar id-dinja.
Filwaqt li t-timijiet ta’ RedBull, Ferrari u Mercedes mistennija jkunu il-protagonisti, bosta qed jbassru li dan se jkun staġun ieħor li se jara taqtiegħa għar-rebħ tal-kampjonat sal-aħħar tal-istaġun.
