Colin Schembri
Fusion Quest……………….48
Caffè Moak Luxol………..58
(10-24)(22-9)(4-13)(12-12)
Luxol temmew l-impenji tal-istaġun regolari b’rebħa fuq Fusion Quest u issa jistennew l-avversarji tal-finali hekk kif trid tintlagħab il-playoff bejn Starlites u Depiro. Il-coach ta’ Luxol Santino Coppa kważi lagħab il-partita kollha bi players ta’ taħt id-dsatax –il sena fil-waqt li kienu nieqsa Mandi Mercieca u Lisa u Anna Fenech Pace. Fusion minn naħa l-oħra kellhom għall-ewwel darba lil coach Andrea Azzopardi. Fl-ewwel parti tal-partita u bil-players regolari fuq il-court, Luxol fetħu b’run qawwija ta’ 20-2. Huma kellhom it-trippli minn Gladiana Avila u Sarah Sciberras flimkien mal-punti minn Josephine Diaby u Cristina Sollami. Fusion irnexxielhom inaqqsu d-distakk permezz ta’ żewġ trippli minn Milica Stefanovic u Julia Schembri għal skor ta’ 24-10. Fit-tieni perjodu kienu Fusion li approfittaw mil-fatt li l-players żgħażagħ ta’ Luxol damu biex daħlu fil-partita. Fil-fatt huma rnexxielhom jagħmlu run ta’ 14-2 bil-punti ta’ Schembri, Elena Pace u Adriana Caballero. Luxol kellhom trippla minn Michela Marmara qabel ma saħansitra Fusion marru minn fuq wara żewġ baskets minn Fanni Fabok u Julia Schembri. Però fl-aħħar attakk, basket minn Sciberras poġġa lil Luxol minn fuq 33-32.
Fit-tielet sessjoni l-punti naqsu u Luxol bdew bi break ta’ 9-0 bi trippla ta’ Jada Said. Fusion waqqfuhom b’basket minn Caballero però punti ta’ Sciberras mill-ġdid flimkien ma’ Marmara raw lil Luxol itemmu t-taqsima 46-36 minn fuq. Fl-aħħar sessjoni kien hemm it-trippli ta’ Luxol minn Said u Marmara. Għal Fusion kien hemm sitt punti mingħajr risposta minn Fabok u Stefanovic biex Luxol ħarġu rebbieħa 58-48.
Fusion Quest: T. Azzopardi Deguara, M. Momcilovic 2, J. Schembri 13, M. Stefanovic 11, E. Pace, A. Caballero 12, F. Fabok 10, N. Pejcic.
Caffè Moak Luxol: C. Sollami 2, H. Galea 2, G. Avila 7, K. Portelli 4, M. Camilleri 3, S. Fenech Pace 4, J. Diaby 6, J. Said 10, S. Sciberras 9, M. Marmara 11.
Referees: Nicky Azzopardi, Daniel Farrugia
ARMS Depiro……………..55
Hibernians…………………68
(18-18)(16-18)(8-13)(13-19)
F’partita mingħajr interess għall-klassifika, Hibernians għelbu lil ARMS Depiro 68-55 però huma Depiro li spiċċaw fit-tielet post biex issa jaffrontaw lil Starlites fis-semi-finali tal-play-offs. Il-partita fetħet bi trippla ta’ Julia Borg għal Depiro però mbagħad waslet risposta minn Hibs bi break qasir ta’ 6-0. Iż-żewġ timijiet irrispondew lil xulxin bil-Hibs ikollohom it-trippli minn Sam Brincat u jżommhu vantaġġ ta’ basket 14-12. Depiro marru minn fuq wara t-tieni trippla ta’ Borg iżda l-aħħar punti tat-taqsima ġew minn Kirsty Caruana għal Hibs għal parita ta’ 18-18.Fit-tieni taqsima kien hemm aktar three pointers fosthom tnejn ta’ Hibs minn Jasmine Abela u Caruana biex huma baqgħu fuq quddiem 28-25. Trippla minn Nicole Agius fetħet run ta’ 9-2 minn Depiro fejn kien hemm ukoll trippla ta’ Casey Samuels iżda Hibs irnexxielhom jagħmlu sitt punti mingħajr risposta biex daħlu jistrieħu 36-34 minn fuq.
Fit-tielet taqsima, l-punti naqsu hekk kif Depiro rnexxielhom jerġgħu jmorru fuq quddiem 41-38 wara punti minn Borg, Samuels, Julia Xerri u Emily Cassar. Hibs wieġbu bi break ta’ 11-0 fosthom trippla ta’ Abela flimkien ma’ Ashleigh Van Vliet, Kenyotta Jenkins u Caruana għal skor ta’ 49-42. Hibs inqatgħu totalment fuq quddiem fl-aħħar taqsima hekk kif bdewha bi break ta’ 13-0 bi trippla oħra ta’ Brincat u l-punti ta’ Van Vliet u Jenkins għal skor ta’ 62-44. Fl-aħħar minuti kien hemm spazju għall-players ta’ fuq il-bank bid-Depiro jagħlqu l-partita bi trippla ta’ Julianne Magri għal skor finali ta’ 68-55 favur Hibernians.
ARMS Depiro: Ni. Agius 7, J. Xerri 6, L. Duncan, No. Agius, N. Hili 1, C. Samuels 26, J. Borg 8, M. Micallef, N. Borg 1, L. Camilleri 2, J. Magri 3, E. Cassar 1.
Hibernians: K. Conti, I. Agius 6, A. Van Vliet 10, S. Brincat 10, B. Agius, J. Abela 17, K. Jenkins 14, K. Caruana 9, J. Gauchi, E. Cassar, J. Dabic 2, M. Mendez.
Referees: Zvezdan Dobrosaviljevic, Fiorentina Ciurariu
