Jonqos issa l-ġlieda għall-ewropa u dik fiż-żona l-ħamra

‘Triq twila iżda sodisfaċenti’

• Branco Nisevic, kowċ Ħamrun Spartans FC

‘Ninsab kuntent ħafna li ksibna r-rebħ tal-Kampjonat illum minkejja li għad fadal ftit aktar minn xahar għat-tmiem’. Dawn kienu l-ewwel kummenti tal-kowċ ta’ Ħamrun Spartans Branco Nisevic wara r-rebħa bl-iskor ta’ 1-0 kontra Gżira United. Huwa kompla hekk. ‘Kienet triq twila ħafna li bdiet bil-logħbiet tal-Ewropa fil-bidu ta’ Lulju li għadda. Tul dawn id-disa’ xhur il-players żammew livell għoli ħafna b’wirjiet u riżultati tajbin. Ninsab kuntent li l-fortuna daħqitli li qed immexxi li dan il-grupp ta’ players. Jekk inħarsu lejn il-logħba kontra Gżira United ma’ kienetx faċli peress li huma riedu l-punti wkoll minħabba l-Ewropa. Nixtieq nirringrazzja lill-partitarji numerużi li għal darb’oħra kienu bl-eluf warajna.’

‘Il-gowls jagħtu l-kunfidenza’

• Luke Montebello, Ħamrun Spartans FC

‘Dan il-gowl huwa wieħed mill-aktar importanti li skurjajt fil-karriera tiegħi’. Hekk stqarr l-attakkant ta’ Ħamrun Spartans Luke Montebello wara li skorja l-gowl tar-rebħa kontra Gżira. Montebello kompla hekk. ‘ Il-gowls jagħtu l-kunfidenza lill-attakkanti għax dak huwa mitlub li nagħmlu. Vera li rbaħna l-kampjonat iżda fadal erba’ logħbiet oħra u rridu niffaċċjawhom bi professjonalita sabiex nippruvaw nirbħuhom kollha u nispiċċaw l-istaġun bil-kbir.’

LOGĦOB LI JMISS

KAMPJONAT BOV PREMIER

Is-Sibt 1 ta’ April, 2023

Tony Bezzina Stadium

2.00pm            Gudja Utd. – Sirens

4.15pm            Żebbuġ R. – Valletta

Stadium Nazzjonali

2.00pm            Gżira Utd. – Mosta

4.15pm            Balzan – Ħamrun S.

Il-Ħadd 2 ta’ April, 2023

Centenary Stadium

11.30am          M’Xlokk – Pieta H.

Tony Bezzina Stadium

3.00pm            Santa Lucia – Floriana

Stadium Nazzjonali

3.00pm            Birkirkara – Hibernians