Colin Schembri
Caffè Moak Luxol……………..67
ARMS Depiro…………………….43
(12-15)(18-14)(15-7)(22-7)
Ic-champions Caffè Moak Luxol se jieħdu magħhom vantaġġ ta’ 24 punt għat-tieni finali hekk kif għelbu lil ARMS Depiro 67-43 f’rebħa li mmaturat fl-aħħar sessjoni. Depiro kienu mingħajr Julia Borg fil-waqt li Luxol irkupraw lil Mandi Mercieca. Kienu Depiro li kellhom l-aħjar bidu tal-partita meta għamlu l-ewwel disa’ punti mingħajr risposta minn Nicole Agius, Julia Xerri u Casey Samuels. Wara time-out ta’ Santino Coppa, Luxol bdew jirkupraw u fetħu l-punteġġ tagħhom bi trippla ta’ Kay Portelli. Wara risposta oħra minn Agius u Samuels għal Depiro, Luxol temmew is-sessjoni b’seba’ punti mingħajr risposta għal skor ta’ 12-15. Fit-tieni perjodu, Luxol ippareġjaw bit-tieni trippla ta’ Portelli però Depiro wieġbu b’żewġ trippli ta’ Agius għal skor ta’ 23-17. Luxol ippareġjaw għal darb’oħra qabel ma Samuels poġġiet lil Depiro fuq quddiem għall-aħħar darba. Fil-fatt kienu Luxol li għamlu l-aħħar punti tas-sessjoni minn Gladiana Avila u Mercieca biex daħlu jistrieħu punt minn fuq 30-29.
Wara l-intervall Luxol bdew jinqatgħu fuq quddiem meta għamlu run ta’ 11-2 b’diversi punti minn Avila u Cristina Sollami. F’din it-taqsima Depiro kellhom trippla minn Agius flimkien mal-punti ta’ Xerri u Laura Camilleri però Luxol temmewha 45-36 minn fuq. Depiro fetħu l-aħħar taqsima bi tlett punti minn Samuels biex waslu sa’ sitt punti ‘l bogħod 39-45. Hawn però wasal mument mill-aqwa għall-players ta’ Coppa li għamlu run ta’ 22-2. Huma kellhom fost l-oħrajn il-punti minn Avila, Sarah Fenech Pace u Lisa Fenech Pace biex marru 67-41 minn fuq. Depiro għalqu l-partita bl-aħħar żewġ punti ta’ Camilleri però Luxol ħarġu rebbieħa 67-43.
Caffè Moak Luxol: C. Sollami 7, M. Mercieca 13, L. Fenech Pace 5, H. Galea, G. Avila 25, K. Portelli 6, M. Camilleri, S. Fenech Pace 6, J. Diaby 4, J. Said, S. Sciberras 1, M. Marmara.
ARMS Depiro: N. Agius 4, J. Xerri 6, L. Duncan, No. Agius, C. Ciantar 6, C. Samuels 14, M. Micallef, N. Borg, L. Camilleri 3, J. Magri, E. Cassar.
Referees: Zvezdan Dobrosaviljevic, Gordon Barbara, Nicky Azzopardi
ARMS Depiro……………………..45
Caffè Moak Luxol……………….64
(12-15)(3-19)(7-24)(23-10)
Caffè Moak Luxol kisbu r-raba’ suċċess tagħhom fit-tazza Louis Borg meta kisbu wkoll it-tieni rebħa fuq ARMS Depiro 67-43 u b’hekk rebħu t-tazza b’aggregate ta 131-88. L-unika bidla mill-partita ta’ qabel għamluha Depiro li rkupraw lil Julia Borg. Luxol għamlu l-intenzjonijiet tagħhom ċari sa’ mill-bidu tal-partita meta ħadu l-ewwel vantaġġ ta’ 8-2. Depiro qatt ma rnexxielhom jieħdu l-vantaġġ fil-partita għalkemm wara żewġ trippli minn Nicole Agius u Casey Samuels għamlu l-iskor indaqs 10-10. Luxol wieġbu permezz ta’ Josephine Diaby, Lisa Fenech Pace u Gladiana Avila biex temmew l-ewwel perjodu 15-12 minn fuq. It-tieni taqsima kienet dominju assolut tal-vjola fejn ħallew lil Depiro bi 3 punti biss bl-ewwel punt jasal fit-tmien minuta minn Agius. Qablu, Luxol kellhom run ta’ 17 –il punt mingħajr risposta fosthom minn Avila, Diaby u Michelle Camilleri biex daħlu jistrieħu 34-15 minn fuq.
Wara l-intervall minkejja d-diversi sostituzzjonijiet ta’ Coppa, Luxol baqgħu jiddominaw fejn wara basket fuq kull naħa għamlu run ta’ 10-2 minn Avila, Diaby u Fenech Pace. Għal Depiro kien hemm risposta minn Julianne Magri qabel ma Fenech Pace għalqet is-sessjoni b’żewġ trippli għal skor ta’ 54-22. Fl-aħħar taqsima, Luxol kellhom biss players ta’ taħt id-19 –il sena fuq il-court u dan wassal biex Depiro jsibu aktar spazju u jagħmlu l-iskor aktar rispettabli. Huma kellhom fost l-oħrajn it-trippli ta’ Samuels u Magri bil-Luxol jirrispondu permezz ta’ Michela Marmara u Sarah Sciberras. Lejn it-tmiem Depiro kellhom sitt punti mingħajr risposta però Luxol kienu fil-kontroll bil-vantaġġ kbir li kellhom u l-partita għalqet bit-tieni trippla ta’ Magri għal skor ta’ 67-43. Fi tmiem il-partita s-Sur Mark Borg, iben is-Sur Louis Borg ippreżenta t-trofew lil Michelle Camilleri biex Luxol iffesteġjaw ir-rebħ tat-tieni unur tal-istaġun wara li aktar kmieni rebħu wkoll is-Super Cup.
ARMS Depiro: Ni. Agius 8, J. Xerri 8, L. Duncan, No. Agius 2, C. Ciantar 4, C. Samuels 9, J. Borg 1, M. Micallef 2, N. Borg 2, L. Camilleri, J. Magri 8, E. Cassar 1.
Caffè Moak Luxol: C. Sollami, M. Mercieca, L. Fenech Pace 12, H. Galea, G. Avila 22, K. Portelli, M. Camilleri 2, S. Fenech Pace 9, J. Diaby 12, J. Said, S. Sciberras 5, M. Marmara 2.
Referees: Nicky Azzopardi, Ivica Simic, Gordon Barbara
