Wara li l-Qorti iddikjarat illegali il-pool li bena Ian Borg fil-villa tieghu, il-maġġoranza tal-membri tal-Kabinett qed jibqgħu joħorġu għonqhom għalih.
Kien il-ġimgħa li għaddiet meta l-Qorti tal-Appell iddikjarat bħala “illegali” il-permess tal-Awtorità tal-Ippjanar mogħti lill-Ministru Ian Borg u lil martu biex jibnu pool fil-villa tagħhom, li tinsab fiż-żona rurali ta’ Santa Katerina fir-Rabat.
Il-permess ħareġ waqt li l-Ministru Borg kien responsabbli mill-Awtorità tal-Ippjanar. U kif iddikjarat il-Qorti stess, il-Ministru kien konxju li l-permess kien qed jiġi kkontestat quddiem il-Qrati; iżda xorta kompla bl-iżvilupp tal-pool.
Il-PN fl-aħħar jiem insista li l-Ministru għandu jerfa’ r-responsabbilta’ politika u jirriżenja. Xi ħaġa li mhux biss m’għamilx, talli issa għandu l-barka anke tal-Prim Ministru …li qed jiddefendih.
