The Shift News żvelaw li Rosianne Cutajar daħħlet total ta’ €81,000 fi tliet snin mill-kuntratt tal-ITS meta hi kellha taħdem biss 24 siegħa fil-ġimgħa.
Is-sit elettroniku żvela wkoll kif il-Membru Parlamentari Laburista kienet qalet lil Yorgen Fenech li kienet se tidħol għall-irwol ta’ konsulenta tliet xhur qabel irċiviet it-tielet salarju.
Fiċ-chats żvelati minn The Shift News li jmorru lura għall-11 ta’ Lulju tal-2019 juru l-messaġġ ta’ Rosianne Cutajar fejn qalet li se tkun qed tieħu din il-pożizzjoni għax “ala biebi u ndaħħal paga oħra”.
Apparti din il-paga ta’ €27,000 kull sena, hi kienet qed taqla’ €44,000 mill-impjieg tagħha fl-Uffiċċju tal-Prim Ministru u €31,000 oħra mill-Parlament.
Ritratti: The Shift News
