Raġel ta’ 41 sena residenti Birkirkara weġġa’ gravi wara li nqaleb bil-mutur fin-Naxxar.
L-inċident seħħ il-Ġimgħa filgħaxija għall-ħabta tal-5:30 fi Triq is-Salina, in-Naxxar.
Il-Pulizija marret fil-post u mill-ewwel investigazzjonijiet li saru rriżulta li għal xi raġuni r-raġel tilef il-kontroll tal-mutur li kien qed isuq u nqaleb.
Tim mediku mar fuq il-post sabiex jassisti filwaqt li ambulanza ħadet lis-sewwieq tal-mutur l-Isptar Mater Dei għall-kura meħtieġa.
Aktar tard huwa ġie ċċertifikat li qed isofri minn ġrieħi gravi.
L-investigazzjonijiet tal-Pulizija għadhom għaddejjin.
