Colin Schembri
Starlites………78
Hibernians……77
(13-17)(13-16)(19-19)(22-15)(10-9)
Fl-ewwel finali tal-kampjonat tan-nisa ta’ taħt it-23 sena, Starlites kellhom rebħa drammatika kontra Hibernians biex marru 1-0 minn fuq. Hibs kienu għal ħin twil minn fuq tul il-partita u saħansitra bdew l-aħħar minuta 65-59 minn fuq però Starlites baqgħu jemmnu u wara li salvaw il-partita għal ħin barrani, ħadu r-rebħa bl-aħħar shot tal-partita. B’diversi players li jilgħabu wkoll fil-kampjonat nazzjonali, kienu Hibs li għamlu l-ewwel punti tal-parita b’Mikela Riolo twieġeb għal Starlites b’5 punti. Iż-żewġ timijiet komplew jirrispondu lil xulxin qabel ma Hibs kellhom trippla minn Kelly Conti flimkien ma’ Jasmine Abela u Julija Dabix biex marru 13-9 minn fuq. Wara li Starlites ippareġjaw bil-punti ta’ Riolo u Michela Zammit Cordina, Hibs għamlu l-aħħar żewġ baskets tat-taqsima għal sjor ta’ 17-13. Fit-tieni perjodu Hibs kabbru l-vantaġġ wara trippla oħra ta’ Conti flimkien mal-punti ta’ Dabic. Starlites ukoll kellhom trippla oħra minn Riolo però Dabic u Caruna ħallew lil Hibs fuq quddiem 28-26. Sal-intervall, Hibs komplew iżommu l-vantaġġ wara t-tielet trippla ta’ Conti għal skor ta’ 33-26.
Fit-tielet sessjoni Hibs fetħu vantaġġ ta’ 10 punti però Starlites malajr wettqu reazzjoni u kellhom run ta’ 9-2 li rathom jaslu sa’ 4 punti ‘l bogħod 37-41. Hibs kellhom trippla minn Abela u komplew bil-punti ta’Conti u Caruana biex temmew it-taqsima 52-45 minn fuq. Sat-tielet minuta tal-aħħar perjodu, Hibs fetħu vantaġġ massimu ta’ 12 -il punt meta bdew bi break ta’ 7-2 bi trippla ta’ Britney Agius. Starlites wieġbu b’żewġ three pointers minn Riolo u Zammit Cordina però sa’ nofs is-sessjoni Hibs kienu għadhom fuq quddiem 63-55. Il-punti naqsu f’dawn l-aħħar minuti biex basket ta’ Dabic ħalla lil Hibs 65-59 minn fuq b’inqas minn minuta fuq l-arloġġ. Fl-aħħar 38 sekonda, Riolo għamel seba’ punti fosthom trippla fl-aħħar attakk biex għamlet l-iskor indaqs 67-67. Fil-ħin barrani l-ebda team ma rnexxielhu jiftaħ xi vantaġġ però għal darb’oħra kienu Hibs li bdew l-aħħar nofs minuta basket minn fuq 74-72. Hawn waslet trippla oħra ta’ Riolo però risposta mmedjata minn Abela ħalliet lil Hibs punt minn fuq. Kien għad fadal biss ftit sekondi u l-aħħar pussess kien ta’ Starlites b’Michela Zammit Cordina tikkonkludi eżatt qabel il-horn finali biex tat ir-rebħa lil Starlites 78-77.
Starlites: E, Degiorgio, M. Riolo 32, J. Micallef, K. Mifsud 6, M. Zammit Cordina 19, A. Saliba 4. M. Fenech 6, N. Caruana, C. Cilia 2, L. De Martino 6, M. Sciberras 2.
Hibernians: K. Caruana 21, J. Abela 10, B. Agius 10, K. Conti 12, J. Gauchi, J. Dabic 23, M. Mendez.
Referees: Zvezdan Dobrosaviljevic, Nicky Azzopardi.
