Anzjana ta’ 72 sena minn Birżebbuġa weġġgħet gravi wara li ntlaqtet minn vann. L-inċident seħħ għall-ħabta tad-8.40am fi Triq Birżebbuġa, f’Birżebbuġa.
Hija ntlaqtet minn vettura tat-tip Isuzu u kienet misjuqa minn żagħżugħ ta’ 22 sena minn Ħal Għaxaq.
Fuq il-post issejjaħ tim mediku li ta l-ewwel għajnuna lill-anzjana u ttieħdet l-isptar b’ambulanza.
L-investigazzjonijiet tal-pulizija għadhom għaddejjin.
