Minbarra li kkawża l-mewt ta’ Pelin Kaya, l-inċident minn Jeremie Camilleri bil-karozza BMW ikkawża total ta’ €51,231 f’danni fi proprjetà privata. Il-Maġistrat Rachel Montebello semgħet aktar xhieda jixhdu t-Tnejn, hekk kif kompliet il-kumpilazzjoni tal-provi kontra Camilleri.
Fost l-ewwel xhieda kien hemm rappreżentant mill-LESA, li qal lill-Qorti li fit-22 ta’ Jannar, xi tliet ijiem wara li Camilleri kien qabad lil Kaya, qatilha, qabel ħabtet f’faċċata ta’ ħanut, omm l-imputat kienet solviet multa ta’ veloċità li saret minn l-istess BMW X5.
Fost ix-xhieda l-oħra li xehdu llum kien hemm il-General Manager ta’ Food Chain Ltd, il-kumpanija li topera r-ristoranti tal-KFC f’Malta, li qal lill-Qorti li total ta’ €37,012 intefqu biex jissewwew il-ħsara kkawżata meta l-karozza li kien qed isuq Camilleri kienet spiċċat fil-ħanut tal-KFC tal-Gzira, li kisser l-għamara u l-faċċata tal-ħanut tal-ħġieġ, kif ukoll ikkawża telf ta’ dħul waqt li saru tiswijiet.
It-tieqa kbira tal-faċċata tal-ħanut kienet magħmula minn ħġieġ ittemprat, qal ix-xhud, waqt li wieġeb mistoqsija tal-avukat parte civile Shazoo Ghaznavi. Xehed ukoll Paul Buhagiar, id-direttur tal-pompa tal-petrol Paul and Rocco, li wkoll ġarrbet ħsarat estensivi mill-BMW ta’ Camilleri.
Il-karozza kienet għamlet ħsara lil tliet punti tal-mili kif ukoll lil brickwork. “Hu laqatna l-ewwel, imbagħad ħabat fil-KFC,” spjega Buhagiar. Il-pompi bil-ħsara, li kienu għadhom kif ġew irranġati dak iż-żmien, kellhom bżonn jinbidlu u kellhom isiru skavi biex jiġu spezzjonati għal xi ħsarat fit-tankijiet ta’ taħt l-art. Il-kont totali għat-tiswijiet kien ta’ €14,219, qal ix-xhud, li wera żewġ invoices lill-qorti.
L-Avukat Shazoo Ghaznavi, wieħed mill-avukat tal-parte civile staqsa lil Buhagiar min kien ikollu aċċess għall-filmati tas-CCTV tal-pompa tal-petrol qabel ma ngħataw lill-pulizija. Ix-xhud wieġeb li l-pulizija kienet marret dritt id-dar tas-sidien u kienet ġabret il-filmati mingħandhom. “Aħna ma missejna xejn,” huwa qal.
Wara xehdet Mariella Aquilina, sid il-pompa tal-petrol, li kkonfermat li l-pulizija kienet żaret id-dar tagħha fit-3am ta’ filgħodu tal-inċident. Imbagħad kienet akkumpanjat lill-uffiċjali tal-pulizija fl-uffiċċju tagħha biex tgħaddi l-filmati. Xhud oħra, Fiona Brincat, li kienet naqset milli dehret meta mħarrka għall-aħħar seduta, lanqas ma dehret għas-sessjoni tal-lum, minkejja li ġiet notifikata. Il-Qorti sabetha disprezzata u ordnatha tkun akkumpanjata mill-pulizija għas-seduta li jmiss.
Jeremie Camilleri qed iwieġeb mhux ħati ta’ akkużi li jinkludu omiċidju volontarju wara li fit-18 ta’ Jannar li għadda saq karozza BMW X6 fuq Pelin Kaya, Torka ta’ 30 sena, liema vettura hi propjetà ta’ ommu. Il-vittma nqaltlet f’jum għeluq snina
Ir-raġel ta’ 33 sena jinsab mixli b’omiċidju wara li baqa’ dieħel bil-karozza tiegħu waqt li kien fis-sakra u taħt l-effetti tal-kokaina u qatel lill-mara li kienet miexja għall-affari tagħha matul il-lejl fit-triq fil-Gżira fit-18 ta’ Jannar. Il-karozza baqgħet dieħla fl-istabbiliment KFC u għamlet ukoll ħsara f’pompa tal-petrol fil-viċin. Jeremie Camilleri għadu miżmum taħt arrest u qed jiġi mixli b’14-il akkuża, Il-kumplizzjonijiet li jmiss huma skedati għal-10 ta’ Mejju f’nofsinhar u fis-17 ta’ Mejju fil-11am u fil-25 ta’ Mejju fil-11am.
