Fix-xahar iddedikat għall-għarfien dwar l-awtiżmu, ilbiraħ il-band lokali Different Minds nediet il-kanzunetta ġdida ‘Different Not Less’ fuq din it-tema. Il-ħsieb wara l-lirika tal-kanzunetta hu li jkun hawn iktar għarfien dwar il-ħiliet ta’ persuni awtistiċi u tenfasizza fuq l-importanza li dawn l-individwi ma jiġux ittimbrati u jingħataw l-istess opportunitajiet fil-ħajja tagħhom.
Il-kliem tal-kanzunetta hu miktub mill-kitarrist akustiku tal-band Jason u bintu Nicole Mizzi, mużika mill-kantant Robert G b’arranġamenti mill-membri l-oħra tal-band magħmula minn Elton Abela fuq il-pjanu, Godwin Debono fuq il-bass guitar, Jeff Hailey fuq il-kitarra elettronika u Julio Guintero fuq id-drums, bi produzzjoni ta’ Cyprian Cassar.
‘Different Not Less’ hi s-sitt single ta’ Different Minds fl-aħħar snin, fost l-iktar popolari nsibu ‘Across the Borderline’ u ‘Helping Hand’. Tistgħu ssegwu lil din il-band fuq il-paġna ta’ Facebook – Different Minds Malta.
