Colin Schembri
Hibernians….55
Starlites……..69
(8-22)(11-22)(12-16)(24-9)
Wara r-rebħa drammatika li Starlites kellhom kontra Hibernians fl-ewwel finali ta’ dan il-kampjonat bl-iskor strett ta’ 78-77, l-istorja fit-tieni finali kienet differenti hekk kif Starlites ħadu vantaġġ qawwi fl-ewwel żewġ sessjonijiet. Hibs ippruvaw jirpkupraw però l-iżvantaġġ kien wieħed qawwi. Starlites fetħu bl-ewwel sitt punti tal-partita minn Andie Saliba u Mikela Riolo. L-ewwel punti ta’ Hibs ġew minn three pointers ta’ Jasmine Abela u Britney Agius. Starlites komplew b’run ta’ 11-0 biex temmew l-ewwel sessjoni 22-8 minn fuq. Hibs fetħu t-tieni taqsima b’ħames punti konsekuttivi minn Julija Dabic u Abela. Hawn Starlites kellhom risposta qawwija bi break ta’ 22-2 b’diversi punti ta’ Riolo,Michela Zammit Cordina, Kaya Mifsud, Mariah Fenech u trippla ta’ Catherine Cilia. Hibs għalqu t-taqsima b’żewġ baskets minn Dabic u Abela għal skor ta’ 44-19.
Il-ftuħ tat-tielet taqsima kien bilanċjat fejn wara 4 punti minn Starlites, Hibs kellhom break qasir ta’ 7-0 li għalquh bi trippla ta’ Britney Agius. Ir-risposta ta’Starlites ġiet bi 8 punti maqsuma bejn Riolo u Zammit Cordina u komplew b’żewġ baskets ta’ Kaya Mifsud biex temmew is-sessjoni 60-31 minn fuq. Fl-aħħar perjodu, Hibs bdew bi break ta’ 9-3 hekk kif Starlites naqqsu r-ritmu, forsi għax kienu ċerti mir-riżultat. Dan wassal għal żewġ time-outs minn Charles Bonnici hekk kif Hibs komplew b’run ta’ 11-0 bi trippli minn Abela u Kirsty Caruana però huma waslu biss sa’ 12 -il punt ‘l bogħod hekk kif il-ħin kien kontrijhom. Starlites għalqu l-partita u l-kampjonat b’basket minn Lexi De Martino hekk kif ħarġu rebbieħa 69-55. Fi tmiem il-partita s-Segretarju Ġenerali tal-MBA Joseph Muscat ippreżenta t-trofew ta’ champions lil captain ta’ Starlites Mikela Riolo fost il-ferħ tal-partitarji tagħhom.
Hibernians: K. Caruana 13, J. Abela 20, B. Agius 6, E. Farrugia, K. Conti, J. Gauchi, J. Dabic 16, M. Mendez.
Starlites: E, Degiorgio, M. Riolo 16, J. Micallef, K. Mifsud 18, M. Zammit Cordina 18, A. Saliba 4. M. Fenech 8, N. Caruana, C. Cilia 3, P. Riolo, M. Sciberras, L. De Martino 2,
Referees: Bernard Vassallo, Zvezdan Dobrosaviljevic, Bogdan Mrkojevic
