Mara ta’ dixxendenza Maltija li tixbah lill-famuża kantanta Amy Winehouse se taħdem il-parti tagħha f’film li beda jinġibed f’Londra f’Jannar li għadda. Winhouse kienet mietet fit-23 ta’ Lulju 2011, fl-età ta’ 27 sena fejn inkjesta kiener sabet li kellha livelli għolja ta’ alkoħol fid-demm.
Marisa Abela hi fula maqsuma. Jirriżulta li Marisa għandha ħafna aktar komuni ma’ Amy milli sempliċement ix-xebh ovvju. F’intervista riċenti mal-magazine ta’ Soho House, l-attriċi ta’ 26 sena stqarret li skartat lil sħabha tal-iskola, li huma ta’ klassi għolja meta kienet żagħżugħa, u kienet tqatta’ tmiem il-ġimgħa tixrob f’park lokali qrib id-dar tagħha fi Brighton.
Wara snin li ppruvat taqbel u tikkopja sħabha fi skola privata esklissivament għall-bniet, Marisa qalet: ‘‘Kont jew qed nipprova nkun bħalhom jew inkellhom mhux bħalhom bl-ebda mod. Kont ngħid ‘if you can’t beat them, join them’. U jekk ma’ nistax inkun waħda minnhom, allura jmorru jixxejru!”
Minbarra dan l-irwol li jiddefinixxi l-karriera tagħha, Marisa tant imxiet fil-karriera tagħha li se tieħu sehem ukoll fil-film il-ġdid ta’ ta’ Greta Gerwig – Barbie, li għandu joħroġ f’Lulju. Iżda filwaqt li l-2023 mistennija li jkollha s-suċċessi, din l-istilla mhux dejjem kellha t-tamiet u l-ħolm tagħha jista’ jsir realtà fejn għandu x’jaqsam ir-reċtar.
Waqt li kibret fir-raħal ta’ Rottingdean, fil-periferija ta’ Brighton, Marisa trabbiet minn ommha, ukoll attriċi Caroline Gruber, li kienet tinterpreta lil Miss Washington fis-serje televiżiva Grange Hill. Missierha Angelo Abela kien ukoll direttur tal-films.
Marisa Abela twieldet fis-7 ta’ Diċembru 1996, fi Brighton, l-Ingilterra, u żviluppat passjoni għar-reċtar f’età żgħira u bdiet iżżid fil-popolarità tagħha f’dawn l-aħħar snin u mistennija tiżviluppa bħala waħda mill-aqwa attriċi fir-Renju Unit. Abela wara attendiet l-Iskola Roedean fi-drama.
Fil-bidu, riedet tistudja l-Istorja u l-Liġi sabiex issir avukat tad-drittijiet tal-bniedem, iżda bidlet fehmha u ddeċidiet li tkompli bir-reċtar. Marisa iggradwat mir-Royal Academy of Dramatic Art (RADA) fl-2019. Għamlet id-debutt tagħha fuq it-televiżjoni fl-2020 bi rwoli ewlenin fis-serje ta’ azzjoni Sky One COBRA bħala Ellie Sutherland u fuq BBC Two u HBO drama Industry bħala Yasmin Kara-Hanani. Hi dehret ukoll fil-films She Is Love u Rogue Agent.
F’Lulju 2022, Abela ingħaqdet mal-cast tal-Barbie ta’ Greta Gerwig. Fl-istess xahar, tħabbar Abela kienet f’taħditiet bikrija biex tinterpreta il-ħajja ta’ Amy Winehouse fi Back to Black ta’ Sam Taylor-Johnson, f’episodju dwar din il-famuża kantanta.
Il-proġett huwa dirett mill-kreatur ta’ Fifty Shades of Grey, Sam Taylor-Johnson. Omm Marisa Abela hi Caroline Gruber u misserha huwa Angelo Abela. Ommha hija attriċi filwaqt li missierha huwa direttur u produttur. Missierha, Angelo Abela huwa ta’ nisel Malti-Libjan u Ingliż, u Caroline Gruber hija ta’ dixxendenza mħallta -0Lhudija Pollakka u Russa.
Missier Marisa hu magħruf għad-direzzjoni u l-produzzjoni ta’ diversi films fosthom; Rein, Zero Chill, u The Mysti Show, fost oħrajn. Ommha hija magħrufa għar-rwoli tagħha f’Disobedience. Kif qed tirrapporta l-media Ingliża, Marisa Abela għandha l-kwalitajiet kollha biex tkun fost l-aqwa attriċi ta’ kull żmien.
