Robert Abela ma jistax jibqa’ jinjora dak li stqarret Rosianne Cutajar f’chats żvelati bejnha u Yorgen Fenech, l-akkużat primarju fl-assassinju tal-ġurnalista Daphne Caruana Galizia. Robert Abela ma jistax jibqa’ ma jieħux azzjoni fil-konfront ta’ dawk li qed “jitħanżru” minn flus il-poplu Malti u Għawdxi.
Hekk stqarr l-editorjal ta’ The Malta Independent tal-Ħadd.
Hekk kif Rosianne Cutajar f’dawn ic-chats tenniet li ‘kulħadd jitħanżer’ u li issa hi se tagħmel bħalhom. Kawża ta’ dan Cutajar irreżenjat mill-Partit Laburista iżda mhux mill-Parlament .
Dan wara li Robert Abela kien stqarr li Cutajar diġà ħallset il-prezz politiku fl-aħħar leġislatura – b’hekk m’għandix terġa’ terfa responsabbiltà politika għat-tieni darba. Iżda għal darb’oħra, Abela mar kontra kellmtu, u wara ftit jiem tenna li ħadd mhu akbar mill-pajjiż.
Dan l-editorjal sar ġimgħa wara li rajna lil Robert Abela jtenni li wara din id-deċiżjoni li Rosianne Cutajar tirriżenja mill-Partit Laburista, il-Prim Ministru jgħid li żiedu l-istandards f’pajjiżna u ma jweġibx lanqas id-domandi tal-ġurnalisti għalxiex ħalla dan l-iskandlu jitwal għal ġimagħtejn sħaħ… fejn l-unika azzjoni li Abela ħa kien li ma jiddeċidix.
L-editorjal stqarr li Abela kkontradixxa lilu nnifsu u ma kienx konsistenti fil-pożizzjoni tiegħu fuq Cutajar – filwaqt li naqas milli jimxi b’etika fil-Gvern mmexxi minnu.
Dan juri biċ-ċar li r-riżenja ta’ Cutajar ma ġietx għax Abela ħass li hu pass responsabbli li kellu jsir iżda għaliex tilef il-kontroll fit-tmexxija tiegħu.
L-editur kompla billi qal li fir-realtà, f’pajjiż normali, Rosianne Cutajar, kellha terfa’ r-responsabbilta’ politika kollha – u tirreżenja mill-parlament Malti ukoll.
L-editorjal ta ħarsa wkoll lejn dak li qal il-Partit Nazzjonalista fl-aħħar jiem, appell li ilu jiġu sostnut fejn mhux biżejjed li Rosianne Cutajar irreżenjat mill-Grupp Parlamentari Laburista, iżda issa Abela, għandu jieħu azzjoni kontra dawk li tħanżru u li għadhom jitħanżru minn flus il-poplu.
