L-aħħar prosekutur li kellu sehem fil-famużi proċessi tal-qorti ta’ Nuremberg miet fl-età ta’ 103 sena f’Boynton Beach, fi Florida, fejn kien ilu s-snin residenti.
L-hekk-imsejħa Nuremberg Trials kienu jinvolvu l-proċessi ġudizzjarji tan-Nażisti li wettqu ġenoċidju u reati oħra waqt t-Tieni Gwerra Dinjija u l-prosekutur , Ben Ferencz – imwieled ir-Rumanija – kien għad għandu biss 27 sena meta aċċerta mill-kundanna tan-Nażisti għal reati kontra l-umanità.
L-istess Ferencz, wara, kien impenja ruġu għat-twaqqif ta’ qorti internazzjonali biex tipproċessa r-reati tal-gwerra u liema tragward kien irrealizzat fl-2002.
Kelliema għall-US Holocaust Museum – li qed ifakkar il-ġenoċidju tal-Lhud waqt it-Tieni Gwerra – qalu li, bil-mewt ta’ Ferencz, id-dinja tilfet protagonista li l-ewwel u qabel kollox kien jinsisti għall-ġustizzja ma’ kulmin iwettaq l-atroċitajiet u reati kontra l-bniedem.
