Żewġ anzjani Taljani qed isofru minn ġrieħi gravi wara li ttajjru minn karozza f’Tas-Sliema.
L-inċident seħħ il-Ħadd filgħodu għall-ħabta tal-10:15 max-Xatt ta’ Tigne.
Il-Pulizija marret fil-post u mill-ewwel investigazzjonijiet irriżulta li raġel ta’ 66 sena u mara ta’ 73 sena, it-tnejn Taljani, weġġgħu wara li ntlaqtu minn vettura li kienet misjuqa minn raġel ta’ 37 sena residenti Ta’ Xbiex.
Tim mediku mar fil-post sabiex jassisti filwaqt li ambulanza ħadet liż-żewġ anzjani l-Isptar Mater Dei għall-kura meħtieġa.
Aktar tard huma ġew ċċertifikati li qed isofru minn ġrieħi gravi.
L-investigazzjonijiet tal-Pulizija għadhom għaddejjin.
