Rowen Camilleri
MOSTA……………..2
BALZAN………….3
Mosta: I. Akpan, R. Briffa, C. Ememe (T. Farrugia 72’), P. Tenebe, D. Bonnici (N. Agius 63’), C. Failla, B. Diarra, J. Akrong (S. Kingue 54’), J. Vassallo, Z. Brincat (M. Okoh 63’), R. Ekani
Balzan: J. Debono, I. Bozovic, S. Arab (B. Hili 76’), P. Fenech, A. Torres, D. Ndiga (M. Nogureira 63’), N. Zerjal, A. Satariano (M. Grima 63’), M. Raso, A. Adrejic (B. Mladenovic 76’), B. Kaljevic
Imwissija: J. Akrong 7’, J. Vassallo 20’, C. Ememe 59’ (M), P. Fenech 36’, I. Bozovic 68’ (B)
Tkeċċa: P. Tenebe 40’ (M)
Skorjaw: D. Bonnici 24’, C. Failla 70’ (M), B. Kaljevic pen 42’, A. Torres 74’, 78’ (B)
Referee: Matthew De Gabriele
Assistenti Referees: Mitchell Scerri u Duncan Spencer
BOV Plejer tal-Logħba: Angel Torres (Balzan)
In-Nazzjon Plejer tal-Logħba: Angel Torres (Balzan)
Balzan dawru telfa f’rebħa u kisbu tliet punti importanti fil-ġlieda għal post fl-Ewropa, meta fis-Centenary Stadium għelbu lill-isfidanti għall-istess tragward Mosta bl-iskor ta’ 3-2.
Minkejja li spiċċaw b’għaxra min-nies fi tmiem l-ewwel taqsima, Mosta marru minn fuq fit-tieni taqsima, iżda b’żewġ gowls f’temp ta’ erba’ miunti minn Angel Torres, Balzan kisbu tliet punti preżżjużi li jtellawhom weħidhom fit-tielet post.
Mal-kwarta logħob Satariano għal Balzan jidħol fil-kaxxa avversarja u minn qagħda angolata prova jaħsad lil Akpan iżda l-eks goalkeeper ta’ Floriana laqa’ tajjeb.
Mosta fetħu l-iskor fl-24 minuta minn azzjoni sabiħa mibdija minn Zachary Brincat li bil-pass lejn Ememe qata’ d-difiża, bin-Niġerjan b’pass preċiż jagġmilja faċli lil Duane Bonnici li tefa’ ġewwa f’lasta vojta.
Fit-32 minuta Kaljevic jgħaddi lejn Satariano, bl-internazzjonali Malti javvanza u jittanta xortih, bil-goalkeeper ta’ Mosta ma setax jagħmel aħjar ħlief li jdawwar f’korner.
Fl-40 minuta Mosta jieħdu daqqa ta’ ħarta meta Precious Tenebe deher iwaqqa’ lil Angel Torres fil-kaxxa b’Matthew De Gabriele jiġġudika l-azzjoni bħala waħda ta’ ċans ta’ gowl u mhux biss isaffar penalty iżda keċċa wkoll lill-plejer Mosti.
Mill-11-metru kien Bojan Kaljevic li tefa’ l-ballun naħa u lil Akpan in-naħa l-oħra u l-iskor indaqs.
Tasal tmiem l-ewwel taqsima u ż-żewġ timijiet jidħlu jistrieħu f’parità ta’ 1-1.
Minkejja li b’raġel nieqes Mosta reġgħu marru minn fuq fis-70 minuta meta l-ewwel tentattiv minn free-kick dirett ta’ Clayton Failla ħabat mal-barriera, bil-ballun jerġa jaqa’ quddiem l-istess Failla li b’xut mill-isbaħ jegħleb lil Akpan.
Tliet minuti wara xutt mill-isbaħ tal-captain ta’ Balzan Paul Fenech jgħaddi jħakkek mal-wieqfa.
Minuta wara Balzan reġgħu ġabu l-iskor indaqs meta b’xutt minn tarf il-kaxxa l-aqwa skorer ta’ Balzan Angel Torres tefa’ fir-rokna tax-xibka.
Balzan marru fil-vantagg għall-ewwel darba fit-78 minuta għal darb’oħra permezz tal-Kolombjan Angel Torres li wara li qabeż plejer fil-kaxxa b’xutt sabiħ ħalla lil Akpan iħares u tefa’ lil partitarji u diriġenti ta’ Balzan f’dellerju ta’ ferħ.
L-iskor baqa’ ma nbidilx sas-suffara finali u kienu Balzan li ħadutliet punti importanti li poġġewhom fit-tielet post tal-klassifika.
