L-awtoritajiet fil-belt ta’ Marsilja rkupraw erba’ katavri minn taħt it-tifrik ta’ bini ta’ appartamenti li spiċċa meqrud fi splużjoni.
Dan waqt li numru mhux ikkonfermat ta’ nies baqgħu rappurtati nieqsa, bl-isforzi tas-salvataġġ qed ikomplu fl-inħawi.
L-isplużjoni seħħet fin-neighbourhood ta’ La Plaine u filwaqt li l-kawża ma kenitx ċara, l-investigaturi ma jeskludux li t-traġedja kienet dovuta għal leak tal-gass,
Fl-aħħar sigħat ukoll ħarġu l-filmati tad-dħaħen u n-nirien telgħin mis-sit tal-kroll, bl-awtoritajiet jikkonfermaw li numru ta’ midruba kellhom jittieħdu l-isptar għall-kura.
Fl-istess ħin, ir-residenti tal-bini fiz-zona spiċċaw evakwati għal raġunijiet ta’ sigurtà – bil-President Franċiż, Emmanuel Macron jesprimi simpatija u solidarjetà mal-familji tal-vittmi.
