Il-qawwiet militari taċ-Ċina konkludew simulazzjoni tal-gwerra li fiha għalqu r-rotot kollha lejn it-Tajwan għal tlett ijiem sħaħ ta’ eżerċizzji. Sadanittant, l-aktar aspett inkwetanti tal-eżerċizzji kien l-użu ta’ aircraft carrier bħala l-bażi għat-tluq tal-ajruplani tal-gwerra fid-direzzjoni tat-Tajwan.
Filwaqt li t-Tajwaniżi kkonfermaw il-preżenza tal-jets taċ-Ċina lejn il-lvant ta’ pajjiżhom, il-kelliema f’Beijing qalu li l-aircraft carrier bl-isem Shandong kien ħa sehem sinifikanti f’din is-simulazzjoni.
Iċ-Ċina issa waqqfet l-eżerċizzji u fissrithom bħala suċċess. Dan wara li t-Tajwaniżi, f’dawn il-jiem, osservaw l-għexieren tal-ajruplani u bastimenti tal-gwerra taċ-Ċiniżi fl-ibħra madwar il-gżira Stat.
It-Tajwan huwa Stat sovran li ċ-Ċina tqisu bħala provinċja ribelluża li għad trid tinġieb ‘mill-ġdid’ taħt il-kontroll ta’ Beijing.
