L-omm tan-nisa Britanniċi – aħwa – li nqatlu waqt li kienu qed jivvjaġġaw bil-karozza mix-Xatt tal-Punent mietet ukoll, jiem biss wara l-attakk tal-Ġimgħa l-Kbira li twettaq minn Palestinjani mhumiex identifikati.
Il-vittmi huma kollha membri ta’ familja Britannika-Iżraeljana u mifhum li l-aggressuri kienu sparaw fuq in-nisa wara li daħlu fihom b’karozza oħra.
Leah Dee, li kellha 48 sena, kienet ilha f’koma mindu ndarbet kritikament fl-attakk.
It-tfal tagħha, Rina, ta’ ħmistax-il sena u Maya ta’ 20 sena, indifnu nhar il-Ħadd il-Għid, bid-difna ssir fir-residenza ta’ Efrat, fil-preżenza ta’ missierhom, Leo, u ħuthom l-oħra. Preżenti wkoll għall-funeral kien hemm l-eluf ta’ nies li għadhom ixxukkjati dwar il-qtil bla sens ta’ dawn in-nisa.
Il-familja Dee erbatax-il sena ilu kienu telqu mir-Renju Unit għal ħajja ġdida f’Iżrael u wara li r-raġel ta’ Leah Dee kien serva bħala rabbi fl-inħawi ta’ Londra.
