Malta niżlet fis-37 post mit-33 post fil-World Happiness Report ta’ din is-sena – rapport annwali ppubblikat mis-Sustainable Development Solutions Network – inizjattiva tan-Nazzjonijiiet Uniti.
Ir-rapport jikkunsidra, is-saħħa, il-ġlieda kontra l-korruzzjoni, il-libertà, id-dħul finanzjarju, il-ġenerożità u l-wens soċjali.
Kumparata mas-sena l-oħra, Malta niżlet erba’ postijiet, dan ifisser, li mill-2020 ‘l hawn, pajjiżna mmexxi mill-Prim Ministru Robert Abela, niżel b’total ta’ 15-il post. Dan għaliex, fl-2020 Malta kienet fit-22 post.
Meta wieħed jikkunsidra l-pajjiżi mseħħbin fl-Unjoni Ewropea, Malta niżlet tmien postijiet. Għal darb’ oħra l-Finlandja tinsab fuq quddiem ta’ dan ir-rapport, segwita mid-Danimarka u l-Iżlanda.
