L-attur Franċiż famuż, Gerard Depardieu, qed ikun akkużat b’li persegwita u dejjaq lin-nisa għal skopijiet speċjali — bl-avukat tiegħu jinsisti li Depardieu qiegħed jiċħad għall-akkużi kollha li jistgħu jaqgħu taħt il-liġi kriminali.
Skont investigazzjoni mill-websajt tal-aħbarijiet Mediapart, madwar 13-il mara qegħdin jakkużaw lill-attur dwar aġir u kliem indiċenti fil-konfront tagħhom. Dan fost allegazzjonijiet li Gerard Depardieu aġixxa b’dan il-mod inaċċettabbli tul l-aħħar 20 sena – u fost indikazzjonijiet li l-inċidenti seħħew fuq il-lokalitajiet fejn kienu qed jinġibdu l-films u f’postijiet pubbliċi.
Depardieu – magħruf fost l-aktar atturi ta’ profil għoli– sar famuż għal films bħal Jean de Florette, Green Card, Cyrano de Bergerac u Last Holiday.
L-allegazzjonijiet, intant, ħarġu sentejn wara li hu kien tpoġġa taħt investigazzjoni kriminali għal allegat każ ta’ stupru u meta hu dejjem ċaħad għall-ħtija.
