Mashike ta’ Ħamrun jilħaq lil De Assis fil-quċċata tal-aqwa skorers tal-kampjonat

Intervisti:

Konna bravi u fortunati wkoll’

• Oliver Spiteri, kowċ Balzan FC

‘Konna nafu li Mosta huma tim tajjeb u ġejjin minn riżultati tajbin ħafna’ Dawn kienu l-ewwel kummenti tal-kowċ ta’ Balzan Oliver Spiteri frisk mir-rebħa kontra Mosta bl-iskor ta’ 3-2. Spiteri kompla jelabora. ‘ Meta konna player aktar ftit li xejn bdiet tidher id-differenza. Konna bravi u sa’ ċertu punt iffortunati wkoll li ġibna d-draw mill-ewwel meta morna 2-1 minn taħt. Il-logħbiet huma kollha iebsin u issa għandna żewġ logħbiet oħra diffiċli u kruċjali kontra Gżira u Birkirkara imma ser nagħmlu minn kollox biex inġibu l-massimu tal-punti u nippruvaw niksbu post fl-Ewropa.’

‘It-tkeċċija kienet determinanti’

• Joe Grech, kowċ Mosta FC

‘Naħseb logħba importanti pjuttost finali. Min jirbaħ kien ser ikun sfidant għall-Ewropa. Sfortunatament spiċċajna fuq in-naħa telliefa.’ Kliem il-kowċ ta’ Mosta Joe Grech viżibilment diżappuntat bit-telfa kontra Balzan. Huwa kompla. ‘It-tkeċċija kien determinanti minkejja li xorta qbajna kmandi tal-partita. Sfortunatament sofrejna gowl mill-ewwel tat-2-2 minn player ta’ klassi bħalma huwa Angel Torres. Matematikament għadna hemm imma rridu nkunu realistiċi wkoll. Issa rridu nħarsu l-quddiem lejn l-aħħar żewġ logħbiet u s-semi finali tat-Trophy biex nispiċċaw dan l-istaġun fuq nota pożittiva.’

LOGĦOB LI JMISS

KAMPJONAT BOV PREMIER

Il-Ġimgħa 14 ta’ April, 2023

Centenary Stadium

6.00pm            Marsaxlokk – Floriana

8.30pm            Gudja Utd. – Valletta

Stadium Nazzjonali

7.00pm            Birkirkara – Pieta H.

Is-Sibt 15 ta’ April, 2023

Tony Bezzina Stadium

3.00pm            Hibernians – Sirens

5.15pm            Żebbuġ R. – Mosta

Stadium Nazzjonali

3.00pm            Sta Lucia – Ħamrun S.

5.15pm            Balzan – Gżira Utd.