Raġel ta’ 48 sena weġġa’ gravi wara li kien involut f’inċident bil-mutur tiegħu f’Ħal Luqa.
Il-Pulizija fi stqarrija qalet li l-inċident seħħ ilbieraħ fis-6pm fi Triq il-Kunsill tal-Ewropa. Mill-investigazzjonijiet li saru jidher li r-raġel tilef il-kontroll tal-mutur tiegħu bil-konsegwenza li waqa’ minn fuqu.
Ir-raġel, li huwa residenti Ħaż-Żabbar, ingħata l-ewwel għajnuna u ttieħed l-isptar.
L-investigazzjonijiet tal-Pulizija għadhom għaddejjin.
