MĠARR U……..1
LUQA SA………2
Luqa St. Andrew’s sar it-tielet tim promoss għaċ- Challenge League wara li fis-Sirens Stadium għelbu lil Mġarr United 2-1.
Wara li l-ewwel taqsima ntemmet fi draw ta’ mingħajr gowls, fil-65 minuta Mġarr spiċċaw jilagħbu b’10 plejers meta tkeċċa għalihom Julian Camilleri wara li dabbar it-tieni karta safra u Luqa marru minn fuq fid-79 minuta permezz ta’ Sam Lorn Kind.
It-tim immexxi minn Edmond Lufi għamilhom tnejn fit-tielet minuta tal-ħin miżjud minn penalty skorjat minn Fabien Lufi.
Mġarr irnexxielhom jiskorjaw sitt minuti wara permezz tal-attakkant Niġerjan Saint Ebesindor Christian iżda dan il-gowl wasal tard wisq hekk kif ftit wara r-referee Anthony Paul Vella saffar tmiem il-konfront fost il-ferħ tad-diriġenti, plejers u supporters ta’ Luqa.
