Minn tal-inqas 4 persuni nqatlu kiesaħ u biered fi sparatura li seħħet waqt festin ta’ għeluq snin żagħżugħa illi għalqet sittax-il sena. Dan il-każ seħħ fl-istat Amerikan ta’ Alabama.
Mill-ewwel stħarriġ illi sar rriżulta li fost dawk li mietu waqt dan l-attakk, hemm Phil Dowdel .. iż-żagħżugħ li jiġi ħu ż-żagħżugħa li kienet qed tiċċelebra għeluq sninha.
Fl-isparatura, madwar 30 persuna oħra ndarbu b’uħud minnhom serjament. It-tiri ġew sparati fi studjo li fih kien qed isir dan il-festin fil-belt ta’ Dadeville.
Minn naħa tiegħu, il-President Amerikan Joe Biden appella għal liġijiet aktar ħorox dwar l-użu tal-armi wara li seħħ dan l-inċident.
Skont l-Arkivju tal-Vjolenza tal-Armi, f’din is-sena biss seħħew madwar 160 sparatura tal-massa fl-Istati Uniti.
