Fl-edizzjoni tas-Singles ta’ din is-sena li intlagħab fi tmiem il-ġimgħa li għaddiet, ipparteċipaw 36 atleta li ġew mqassma f’sitt diviżjonijiet. Matthew Galea rebaħ l-ewwel diviżjoni b’għaxar punti segwit minn Emerson Brundyn b’sitta.
Meqjusa bħala waħda mill-iktar kompetizzjonijiet importanti, kemm fl-għola livell kif ukoll għall-iżvilupp li tagħti lill-plejers iżgħar, l-Individual League tkopri tliet kompetizzjonijiet – Singles, Doubles u Mixed. Il-plejers jiġu mqassma f’diviżjonijiet differenti skont il-livell tagħhom u jilagħbu League f’format ta’ round robin.
Dan kien it-tieni avveniment f’din is-serje tal-Assikura Individual League hekk kif xahar ilu saret il-kategorija tal-Mixed Doubles fejn Matthew Galea flimkien ma’ Elenia Haber rebħu l-ewwel diviżjoni, bl-avveniment tad-Doubles isir ix-xahar id-dieħel.
Minn din is-sena il-League Individwali tal-Badminton għandu lil Assikura Insurance Brokers PCC Limited bħala sponsor ewlieni wara ftehim li sar mal-istess kumpanija.
Andrew Grech, Direttur Maniġerjali ta Assikura Brokers PCC Limited, ippreżenta il-medalji lill-atleti li spiċċaw fl-ewwel u t-tieni post f’kull waħda mis-sitt diviżjonijiet tal-Assikura Singles Individual League li spiċċa il-Ħadd li għadda.
Owen Grech, President ta’ Badminton Malta qal li Badminton Malta hija kommessa li tkompli tkabbar il-logħba tal-badminton fil-gżejjer Maltin. Huwa tenna li grazzi għal din il-kollaborazzjoni ma’ Assikura Insurance Brokers, tista’ tkompli tingħata iktar opportunita’ lil plejers f’diversi livelli biex dawn jiksbu iktar esperjenza li imbgħad se tgħinhom fil-karrieri sportivi tagħhom, anke f’livell interazzjonali.
ASSIKURA INDIVIDUAL SINGLES LEAGUE (powered by Victor)
Division One: Winner – Matthew Galea; Runner-up – Emerson Brundyn
Division Two: Winner – Andy Zhang; Runner-up – Gobinath Silva
Division Three: Winner – Juan Casaru; Runner-up – Monique Monika Vella.
Division Four: Winner – Julia Camilleri; Runner-up – Emily Mallia
Division Five: Winner – Elena Victoria Muscat; Runner-up – Thea Pace
Division Six: Winner – Namisha Nia Javeed; Runner-up – Kaylee Cilia
