Ikomplu jikbru d-dubji dwar il-kumpanija sigrieta Egrant. Dan wara li fil-PAC… Keith Schembri għamel dikjarazzjonijiet illi jkomplu jqajjmu aktar domandi. Specjalment meta qal li l-kumpanija Egrant “ma użahiex” – minghajr ma qal għal min kien qed jirreferi.
Din l-istqarrija hija konferma li xi ħadd qrib ta’ Schembri kien fetaħ il-kumpanija sigrieta Egrant iżda ma għamilx użu minnha. U għalhekk il-mistoqsija naturali hi… għal min irefera Keith Schembri fix-xhieda tiegħu fil-PAC?
Intant….meta Schembri ħassu daru mal-ħajt fil-PAC bid-domandi li sarulu id-deputati tal-PN, hu infexx f’attakk dirett fuqhom.
Fix-xhieda tiegħu, Keith Schembri qal ukoll illi ma jafx meta infetħet il-kumpanija tiegħu fil-Panama .. iżda għalkemm qal hekk, dokumenti ufficjali juru biċ-ċar li l-kumpanija Tillgate infetħet fis-16 ta’ Gunju tal-2015, u l-istess dokument kien iffirmat minn Schembri innifsu.
