Anzjan ta’ 79 sena minn Ħad-Dingli ġie mixli b’rabta ma’ tixrid ta’ żejt li hu kien ikkawża u li ġie segwit minn inċident fatali ta’ mutur is-sena l-oħra li ħalla vittma. Marie Claire Lombardi ta’ 45 sena mietet fit-22 ta’ Ottubru 2022 riżultat ta’ ġrieħi li ġarrbet meta l-mutur tagħha Yamaha skiddja u ħabat f’centre strip fi Triq l-Imdina fir-Rabat.
Lombardi, li kienet hairdresser, mietet fuq il-post. Joseph Cortis, li huwa pensjonant tressaq quddiem il-Maġistrat Caroline Farrugia Frendo akkużat b’omiċidju involontarju, li b’negliġenza kkaġuna ħsarat fi proprjetà privata u ddepożita oġġetti fil-wiċċ tat-triq.
L-avukat Patrick Valentino, avukat difensur, ma kkontestax il-validità tal-arrest ta’ Cortis, iżda rrimarka li l-imputat seta’ faċilment jitressaq b’ċitazzjoni. Huwa kien ilu fuq police bail minn Diċembru li għadda, żied jgħid l-avukat. Fi stqarrija maħruġa ftit wara l-ħabta, il-Pulizija kienet qalet li mill-investigazzjonijiet irriżulta li Lombardi kienet tilfet il-kontroll tal-mutur tagħha minħabba materjal li kien inxtered fuq il-wiċċ tat-triq.
Huwa mifhum li fil-ħin tal-inċident kienu l-mutur spiċċja skiddja wara li fit-triq kien waqa’ numru konsiderevoli ta’ żebbuġ u li dan kien tgħaffeġ mit-traffiku tal-vetturi wara li ħareġ minn kaxxi tal-pitkali wara li allegatament Cortis, li waqalu t-tray.
Huwa mifhum li l-akkużat kien sejjer għand xi ħadd biex jagħasarlu ż-żebbuġ għaż-żejt li kien qed jittrasporta. Li ġara skont il-prosekuzzjoni hu li Cortis ma waqafx jiġbor il-merkanzija mxerrda tiegħu, u lanqas ma informa lill-awtoritajiet jew talab li l-periklu jitneħħa.
L-imputat wieġeb mhux ħati tal-akkużi. L-Ispettur Roderick Attard ma opponax it-talba tad-difiża għall-ħelsien mill-arrest, u spjega li l-biċċa l-kbira tax-xhieda ċivili kienu diġà xehdu u li Cortis dejjem osserva l-kundizzjonijiet tal-bail police bail tiegħu.
Fattur ieħor huwa li huwa għandu rabtiet qawwija mal-pajjiż. L-Avukat Valentino oġġezzjona għas-suġġeriment tal-prosekuzzjoni ta’ depożitu finanzjarju sostanzjali, fid-dawl tal-mezzi finanzjarji limitati tiegħu u l-fatt li kien ikkopera mal-Pulizija.
Il-Qorti tat il-libertà proviżorja, u ordnat lill-imputat biex jiffirma tliet darbiet fil-ġimgħa fl-Għassa tal-Pulizija. Il-libertà proviżorja ġiet garantita b’garanzija personali ta’ €50,000. L-avukati Arthur Azzopardi u Jacob Magri qed jirrappreżentaw lill-familja Lombardi bħala parte civile
