Waqt laqgħa mal-ġurnalisti ingħataw dettalji dwar l-edizzjoni ta’ din is-sena tal-MFA Awards. Dawn id-dettalji ingħataw mis-Segretarju Ġenerali Dr. Angelo Chetcuti u mill-Viċi President tal-MFA Dr. Matthew Paris.
Fl-istess waqt, fil-preżenza ta’ Lucienne Cini, Chief Operating Officer tad-ditta Assikura, kien ippreżentat uffiċjament it-trofew li minn din is-sena se jingħata lit-tim rebbieħ tal-Kampjonat tan-nisa Assikura.
Fil-preżenza tas-Segretarju Ġenerali tal-MFA, Angelo Chetcuti, Lucienne Cini għamlet riferenza għall-impenn ta’ Assikura fl-iżvilupp tal-futbol tan-nisa f’pajjiżna.
It-trofew il-ġdid tal-Kampjonat Assikura tan-nisa sar fl-Ingilterra mid-ditta Thomas Lyte.
Ittellgħu wkoll il-poloz tan-Knock Out tan-nisa:
Raiders Lija – Mtarfa
Birkirkara – Swieqi United
Mġarr United – Hibernians
San Ġwann huma bye
Is-semi finali jintlagħabu fit-7 ta’ Mejju bil-finali fit-12 ta’ Mejju.
