Raġel li kien ġiel illiberat wara li għal aktar minn 19-il sena l-Prosekuzzjoni naqqset milli ġġib xhieda relevanti għal każ fuq akkużi ta’ serq, frodi u ċirkolazzjoni ta’ flus foloz talab lill-istat għal kumpens. Dan wara li f’tul dak il-perjodu l-uniku xhud tal-pulizija kien l-uffiċjal tal-prosekuzzjoni stess.
Nazzareno Dalli qed jitlob lill-istat għal ħlas ta’ danni wara proċeduri li twalu żżejjed u li dawn ħallew effett ħażin fuq ħajtu fuq każ li dam ikaxkar għal kważi 20 sena biex jiġi konkluż. Permezz tal-avukati tiegħu Franco Debono u Marion Camilleri, Dalli qal li t-tul tal-kawża fil-Qorti jikkostitwixxi ksur tad-dritt fundamentali tiegħu li jiġi ġġudikat fi żmien raġonevoli.
Il-każ kien ġie differit 29 darba fejn hu qatt ma kien responsabbli għal ebda dewmien peress li naqas biss milli jattendi seduta waħda minħabba li kien marid u pprovda ċertifikat mediku. Il-kawża fil-Prim’Awla tal-Qorti Ċivili fil-ġurisdizzjoni kostituzzjonali tagħha ġiet ippreżentata kontra l-kummissarju tal-Pulizija, l-Avukat enerali u l-Avukat tal-Istat.
Dalli saħaq fir-rikors tiegħu li kien ġie akkużat għall-ewwel darba f’Settembru tal-2004 wara li l-Pulizija nttraċċawh bħala wieħed mis-suspettati li allegatament kien involut f’sensiela ta’ serqiet minn pompi tal-fjuwil fin-nofsinhar ta’ Malta.
Huwa kien tressaq dak iż-żmien mill-Ispettur Ian Abdilla – li aktar tard spiċċa Assistent Kummissarju tal-Pulizija u spiċċa bħala Kap tat-Taqsima tar-Reati Ekonomiċi tal-Pulizija. Abdilla kien l-ewwel u l-uniku xhud li xehed fil-każ. Dalli, li dak iż-żmien kellu 23 sena, wieġeb mhux ħati tal-akkużi.
F’seduta f’Lulju 2005, l-ispettur tal-Prosekuzzjoni Wayne Borg kien iddikjara li kien hemm erba’ xhieda li għad iridu jixhdu: żewġ uffiċjali talPpulizija, rappreżentant ta’ waħda mill-pompi tal-fjuwil allegatament froditi, u persuna oħra Adrian Scicluna, li wkoll kien qed jiffaċċja separati. proċedimenti tal-Qorti.
Il-każ kontra Dalli beda meta t-Taqsima tar-Reati Ekonomiċi rċeviet rapporti dwar munita falza li qed tintuża f’magni awtomatizzati fil-petrol stations. Ġew identifikati tliet suspettati, fosthom Dalli li allegatament inqabad fuq filmati minn cameras tas-sigurtà mill-pompa Paul and Rocco fil-Marsa.
Terza persuna kienet ukoll ressqet ilment kriminali wara li allegatament kienet b’muniti foloz użati minn Dalli, kien qal Abdilla fil-Qorti. Hu kien mixli b’falsifikazzjoni ta’ karti tal-flus, pussess u użu ta’ flus foloz Maltin, frodi, serq ta’ diesel u petrol, kif ukoll immaniġġjar ta’ oġġetti misruqa.
Il-Prosekuzzjoni kienet iddikjarat li kellhom biss xhud ieħor wieħed x’jipproduċu iżda l-persuna ma xtaqtx tixhed peress li hija wkoll kienet għaddejja minn proċeduri kriminali. Sa Settembru 2007, is-sitwazzjoni baqgħet ma nbidlitx u l-istaġnar kompla sal-2012 meta l-Qorti ddikjarat li kienet qed tagħti l-aħħar differiment għall-Prosekuzzjoni biex tiġbor l-evidenza tagħha.
Il-waqfien baqa’ jippersisti sakemm il-Qorti fl-aħħar poġġiet il-kawża sine die wara l-10 seduta li saret għal xejn f’Novembru tal-2013. Fl-2019, il-każ ġie assenjat lil Maġistrat ġdid u uffiċjal tal-Pulizija ġdid ħa f’idejh il-Prosekuzzjoni, u ppreżenta rikors biex il-każ jerġa’ jitpoġġa fuq il-lista tal-Qorti għas-smiegħ.
Madankollu minn dak iż-żmien kien miet. Aktar kmieni din is-sena, id-difiża talbet lill-Qorti biex tiddikjara l-istqarrija maħruġa mill-imputat fl-2004 mingħajr ebda assistenza legali bħala inammissibbli bħala prova kontrih. Il-Maġistrat Victor Axiak segwa linja ta’ każistika stabbilita, li ddikjarat inammissibbli dikjarazzjonijiet li saru minn suspettat mingħajr assistenza legali qabel Frar 2010, meta l-liġi Maltija għadha ma tatx tali dritt lill-akkużat fl-istadju ta’ qabel il-proċess. Meta ta s-sentenza, il-Maġistrat osserva li dan kien “eżempju klassiku ieħor ta’ proċeduri mkaxkra bla bżonn” meta l-Prosekuzzjoni kienet ipproduċiet biss xhud wieħed fi kważi 20 sena.
