Omm li sabet ruħha fi problemi legali wara li sejħet lill-eks tagħha purċinell waqt li talbitu l-flus biex tħallas għax-xogħol tas-snien ta’ bintha, ġiet rilaxxata minn akkużi ta’ fastidju fl-appell. Minkejja li sseparaw tliet snin ilu, il-mara kienet ripetutament titlob flus kontanti lill-eks sieħeb tagħha, filwaqt li fl-istess ħin, tirrifjuta lilu l-aċċess għat-tifel tagħhom.
Il-missier spiċċa biex ħadha bi kbira meta hi sejjħitlu purċinell u mlaqqam “ritardjat” mill-mara. Minn naħa tiegħu meta raha hekk ppreżenta rapport lill-pulizija. Sussegwentement il-mara ġiet akkużata b’użu ħażin ta’ tagħmir ta’ komunikazzjoni elettronika u b’diversi akkużi ta’ fastidju.
F’Ottubru 2020 il-mara ġiet illiberata mill-akkuża ta’ użu ħażin ta’ tagħmir tat-telekomunikazzjoni iżda nstabet ħatja ta’ fastidju. Imbagħad tressaq appell mill-avukat tal-mara permezz tal-Avukat Jason Grima. F’deċiżjoni, mogħtija mill-Qorti tal-Appell Kriminali, ippreseduta mil-Imħallef Neville Camilleri, din innutat li l-problemi bdew meta l-mara kienet bdiet takkuża lill-missier li naqas mid-dmirijiet ta’ missier u li naqas milli jħallas il-manteniment.
Bint il-koppja kellha bżonn kura dentali, li l-omm ma setgħetx tħallas għaliha peress li ma taħdimx. L-insulti saru meta s-sieħba l-ġdida tiegħu kienet iddeċidiet li tinvolvi ruħha, kienet spjegat hi. L-imputata kienet waqfet tibgħat messaġġi lill-eks tagħha wara li kienet mitkellma mill-pulizija, għalkemm il-missier xehed li l-mara baqgħet tibgħatlu messaġġ wara l-ieħor, anke wara li bblokkaha.
Huwa qal li eventwalment kellu jibdel in-numru tiegħu Ir-raġel spjega li kien waqaf iħallas il-manteniment tat-tfal għax kinitx ma kienx iħallih jara lil binhom. Huwa kkonferma wkoll li sieħba l-ġdida tiegħu kienet wieġbet għal wieħed mill-messaġġi tal-omm.
Wara li eżaminat il-messaġġi nfushom, il-Qorti tal-Appell Kriminali ddeċidiet li dan kollu ma jikkwalifikawx bħala fastidju. Il-messaġġi kienu talba għall-għajnuna, mhux fastidju, qal l-imħallef, filwaqt li nnota li t-tifla eventwalment ġiet ikkurata l-isptar b’xejn. Il-Qorti laqgħet l-appell tal-omm u ħelsitha. L-appellanta kienet assistita mill-avukat Jason Grima.
