Clifford Micallef, impjegat ta’ Transport Malta li qed jiffaċċja akkużi fuq fastidju fil-konfront ta’ kollega mara waqt li ftaħar li kien il-kuġin ta’ Ian Borg, il-Ministru tat-Trasport ta’ dak iż-żmien, ma kienx ċaħad l-allegazzjonijiet dwaru waqt laqgħa f’uffiċċju tad-direttur.
Dan ħareġ fil-Qorti meta d-direttur, Jesmond Grima, li ddeskriva lilu nnifsu bħala “paċifista”, xehed li kien ilu jisma’ dwar dak li qed jiġri u jingħad dwar Micallef. Xhieda preċedenti fil-Qorti diġa’ qalu kif l-akkużat allegatament ipprova jiħekkja l-kompjuter tax-xogħol tal-mara, bagħatilha l-fjuri u għamel avvanzi mhux mixtieqa, u li kisser xi oġġetti f’attività tax-xogħol meta raha titkellem ma’ kollegi oħra rġiel għax literallment kif iffissa fuqha.
Grima qal li pprova jsolvi l-problemi billi ssuġġerixxa li ssir laqgħa maż-żewġ partijiet fl-uffiċċju tiegħu. “L-allegata vittma] aċċettat,” qal Grima. Waqt dik il-laqgħa, xi żmien lejn l-aħħar ta’ Jannar 2022, Grima qal li għamilha ċara lil Micallef li jekk l-allegazzjonijiet tal-mara kienu veri, “ma riedx li jsiru dawn l-affarijiet”.
“Micallef ma ċaħadx imma kien hemm ħafna swaba’ jippuntaw lejn xulxin,” qal id-direttur. F’dik l-okkażjoni, huwa ssuġġerixxa “li tibda paġna ġdida,” u qal lil Micallef li kellu familja waqt li l-kollega tiegħu kienet f’relazzjoni. “Minn dak li kont naf li l-kwistjoni waqfet hemm,” kompla Grima.
Iżda l-kwistjoni reġgħet refgħet rasha xi żmien f’Mejju. Ġurnata waħda, talab lill-allegat vittma biex jipprepara kafè għal xi mistednin li kienu qed jattendu laqgħa fl-uffiċċju tiegħu. Waqt li kienet fil-kċina, ġiet avviċinata minn Micallef li allegatament akkużaha li “tagħmel ħbiberija” ma’ uffiċjal tas-sigurtà fl-Awtorità.
Aktar tard il-mara tkellmet ma’ Grima dwar l-episodju. Xi xahar wara, id-direttur irċieva telefonata minn wieħed mill-operaturi tal-port li normalment kien persuna kalma u kwieta iżda li “sploda” dakinhar. Huwa qal lix-xhud dwar Micallef, u żied, “żgur li se joħloq inkwiet bejn jien u sieħbi.”
F’dak il-punt, Grima ddeċieda li jitkellmu ma’ sieħbu direttur bħalu, David Attard, li kkonferma li Micallef ma kellu l-ebda raġuni biex imur fl-uffiċċju fejn kienet taħdem il-kollega tiegħu. Għalkemm kien “paċifist” min-natura tiegħu, f’dak il-mument ra dalma quddiem għajnejh, qal Grima.
Tenna li ma riedx lil Micallef jersaq lejn il-portijiet u fl-uffiċini tiegħu u ta struzzjonijiet għas-sigurtà fuq dawk il-linji. Ftit wara, faqqgħet kommossjoni barra l-uffiċċji tiegħu. Micallef jidher li kien tfaċċa u ġie mċaħħad mid-dħul mis-sigurtà, kompla ix-xhud.
“Minn dak in-nhar l-affarijiet mexxew b’mod normali.” Mistoqsi mill-avukat ta’ Micallef, Albert Zerafa, jekk rax personalment iseħħ il-fastidju, Grima wieġeb fin-negattiv. Iżda kkonferma li ra lil Micallef fl-uffiċċju kemm-il darba matul dawk ix-xhur relatati mal-akkużi.
L-akkużat ma kellux għalfejn imur fl-uffiċini fil-Marsa ħlief għal drills u eżerċizzji li kienu organizzati kull tliet xhur, temm jgħid ix-xhud. L-avukat tad-difiża rrimarka li kien qed joġġezzjona formalment għall-linja ta’ mistoqsijiet tal-prosekuzzjoni u t-tweġibiet mogħtija minn Grima peress li dan kollu kien ibbażat fuq evidenza ta’ ‘hear say’ u għalhekk inammissibbli. Il-Qorti, ippreseduta mill-Maġistrat Astrid May Grima, iddikjarat li ser tirriserva d-deċiżjoni tagħha dwar il-kwistjoni fl-istadju tas-sentenza finali. Il-każ ikompli f’Ġunju.
